1 MONYE 1:22 - Ha`bari Ndjema ya I Maore

²² Ɓaanda mwadzitwaharisha ziroho ha utuĩ ikweli, pare mukane huɓa ya shiunanya ɓila unafiki, ɓasi namuv̄endzane wanyu na wanyu ha djitihadi na roho yarahara.

1 MONYE 1:22 Referans Kwoze

1 TIMUTAUSU 1:5

iKusudi ya lisariɓu lini, ɗe uv̄endza ulawao ha umo warahara, na nafusi ndziraharifu ɓila tuhuma, v̄umoja na uaminifu wa kweli.

MAHEƁRANIYA 13:1

Uv̄endza wa shiunanya nauendreleye hanyuju.

1 YUHANI 4:12

Kav̄u mutru aparomuona Mungu. Neka risuv̄endzana, Mungu uẽshi moni hatru, na uv̄endza yahe ukamilishiha moni hatru.

1 YUHANI 4:7

Wav̄endzewa wangu, nariv̄endzane, mana uv̄endza ulawa ha Mungu na yotsi av̄endzao udzalwa shi Mungu, tsena umujua Mungu.

1 MONYE 3:8

Ha muhutaswari, namuke konyo moja piyanyu, namuoneane utungu, muv̄endzane shiunanya, muv̄orehane, mukane uwekevu.

YAKOƁU 4:8

Namumukuruɓiye Mungu, na waye atsomukuruɓiani. Namutwaharishe mihono yanyu, wanyu maãswifu, namurahatse ngumo zanyu, wanyu wendza roho zaãnisiha.

1 YUHANI 3:23

Na tsini ãmuri yahe: amba riamini ha lidzina la uMwana wahe Insa-Kristi, tsena riv̄endzane wasi na wasi, mauri ɗe inamuna ariãmurisha.

2 MATESALONIKA 1:3

Ha dahari irilazimu rimuhimidiye Mungu, wananya wa shi uaminifu, ha siɓaɓu ya wanyu. Iyo haki amba riifanye, mana uaminifu wanyu usuhua ha kusudi, na uv̄endza wa kula moja ha uwanyawe usendra na uengedzeha.

1 MATESALONIKA 3:12

Raɓi naengedze na uzidisha uv̄endza mulionawo wanyu na wanyu, tsena na piya wasalia, mufano wa uwo rilionawo na wanyu.

1 YUHANI 4:20

Neka mutru asurongoa amba asumuv̄endza Mungu, ne asuenga munyahe, waye munafiki. Mana uwo kasuv̄endza munyahe ule amuonao, kashindri uv̄endza Mungu alio amba kasumuona.

1 MONYE 2:17

Namuhishimu piya uwatru, muv̄endze wananyanyu wa shi uaminifu, mumuriye Mungu, muhishimu umufalume.

MAV̄INGIZI-RISALA 15:9

Kafanya tafauti itsokao yotsi ɓaina ya wasi na wao, awarahatsa ziroho zawo ha uaminifu.

1 YUHANI 3:11

Tsini ihaɓari mwaikia rangu mwandro: nariv̄endzane.

2 MONYE 1:7

na ju la maendreleo ya ĩɓada, uv̄endza wa shiunanya, na ju la uv̄endza wa shiunanya, mahaɓa.

MAFILIPI 1:9

Iyo niitsahao hari mwa mamilio yangu, ɗe amba uv̄endza yanyu yendre na uzidishiha ujuzi wa kweli, na wanyu ushindra muelewe ha ukamilifu zitrongo,

MAEFESO 4:3

Namufanye djitihadi ya usika uv̄umoja uv̄ingwao na iRoho, ha ukana iamani imufungamanisaoni.

MAGALATWIYA 5:5

Wasi hatruju, ɗe ha uv̄ingwa na iRoho ɗe rilindrao, v̄umoja na uaminifu, umuhakisho riutumainiao.

MUV̄ENULIO 2:4

Ɓadi iyo nilionayo kinyume na wawe, ɗe iv̄o wajeledza uv̄endza yaho ya mwandro.

1 MONYE 4:17

Mana uwo ɗe uwakati ihukuma ya Mungu iandrisao hari mwa umuraɓa wahe. Na neka hari mwa wasi ɗe iandrisao, v̄av̄o utsoka jeje umwiso wa wao waharao utuĩ iIndjili ya Mungu?

1 MONYE 4:8

Kaɓula ya piya, namuv̄endzane ha kusudi wanyu na wanyu, mana uv̄endzana, iyo ufinikia wengi wa madhambi.

MAHEƁRANIYA 11:8

Ha uaminifu ɗe Iɓrahima atuĩ uhiriwa yahe andre v̄ahanu v̄ulio amba akoja av̄upare mwaratha. Alawa ɓila ujua v̄ahanu akwendra.

MAHEƁRANIYA 9:14

ha mara ngav̄i zaidi idamu ya Kristi, alio amba ha iRoho ya daima atamania iwaye yahe ɓila pandra litsokao lotsi ha Mungu. iDamu yahe iyo ɗe itsoritwaharishao likoho la unamuzi latru na zitrendro ziv̄ingao hari mwa ufa, ile rimurumishiye Mungu alio hayi.

MAHEƁRANIYA 6:10

Mana Mungu tsi mudhuluma amba aɗele urumishi wanyu, wala uv̄endza mwauv̄enua ha siɓaɓu ya dzina lahe ha urumishia watwaharifu, tsena ata av̄asa.

2 MAKORINTIYO 6:6

hari mwa uraharifu, ujuzi, suɓira, uwema, iRoho Ndzitwaharifu, na uv̄endza wa kweli,

YUHANI 15:17

Trongo nimuãmurishaoni, ɗe wanyu uv̄endzana.»

1 MONYE 3:1

Ɗe namuna iyo wanyu watruwashe, namudzituĩse ha waume wanyu, pare neka amba v̄wa waharao utuĩ Urongozi, waparihane ha maendreleo ya watruwashe wawo, ɓila urongozi utsokao yotsi,

MAHEƁRANIYA 5:9

Na ɓaanda akamilishiha, afanyiha ha piya wao wamutuĩo koho la uhuyifu wa daima,

2 TIMUTAUSU 1:14

Sika ha iRoho Ndzitwaharifu iẽshio hatru iãkiɓa ndjema wadhwaminishiwayo.

1 TIMUTAUSU 5:2

watruwashe waɗuhazi mauri wamama, na watruwashe mashaɓaɓi mauri wananya watruwashe, ha uraharifu mukamilifu.

1 TIMUTAUSU 4:12

V̄wasuke mutru adharau ushaɓaɓi waho, ɓadi ka ha uwatru waaminio mufano hari mwa marongozi, maendreleo, uv̄endza, uaminifu, na uraharifu.

1 TIMUTAUSU 1:3

Mauri ɗe inamuna nahutafadali ulawa yangu ha uendra Makadoniya, amba uɓaki Efeso, pare usariɓiye ɓaãdhwi ya watru wasusomedze misomo yangina.

2 MATESALONIKA 2:13

Hatruju wasi, risulazimu rimuhimidiye Mungu ha daima ha siɓaɓu ya wanyu wananya wa shi uaminifu wav̄endzewa wa Raɓi, mana Mungu amutsahuani rangu mwandro mupare ukombofu ha iRoho itwaharishao na ha uaminifu wa ukweli.

MAGALATWIYA 3:1

He wanyu Magalatwiya mudzifanyao wajinga! Mbani ɗe amugangini? Ne muv̄enuliwa hadhwira matsoni hanyu Insa-Kristi, amba aremwa mizumari hari mwa muri wa pawa.

MAGALATWIYA 5:7

Mwakwendra mbio ha uzuri tu! Mbani ɗe amuziani amba mwasutuĩ ukweli?

MAROMU 8:13

Mana neka musuẽshi ha uɗunga ihali ya shiuɓinadamu, mutsofa; ɓadi neka ha iRoho musuula zitaɓia za mwili, v̄av̄o ɓasi mutsoẽshi,

MAROMU 2:8

Ɓadi hadhaɓu na hasera ha wao wadzinafasishao, waharao ukweli na uɗunga udhuluma.

MAROMU 1:5

alio amba ha ndzia yahe ridjaãliwa ineema ya uv̄inga iRisala ha piya zinishani, ile zituĩ uaminifu, ha utukufu wa lidzina lahe.

YUHANI 17:17

Watwaharishe ha uukweli; urongozi waho, uwo ɗe ukweli.

YUHANI 15:3

Wanyu madza murahatsiwa ha siɓaɓu ya urongozi namuambianiwo.

MAV̄INGIZI-RISALA 6:7

uUrongozi wa Mungu wakwendra na uenea. iHisaɓu ya maswihaɓa yakoengedzeha ha uwengi hari mwa iYerusalemu, na wengi wa Matolezi-Masadaka|Mutolezi-Masadaka wastehi uaminifu.

YUHANI 17:19

Nisudziv̄a wawe ha siɓaɓu ya wao, pare wao wajau wadziv̄e wawe ha kweli.

YAKOƁU 1:21

Ɓasi v̄av̄o namudziɓause na kula tsama, na kula uyi watupa mupaka, murenge ha utaratiɓu uUrongozi ulio amba utaɓilwa moni hanyu, tsena ushindrao uhuyi roho zanyu.

1 MONYE 1:2

Mutsahulwa na Mungu amma Ɓaɓa, ha ulingana na inia akanayo rangu kaɓula, tsena mutwaharishiwa na iRoho, mukane utuĩvu ha Insa-Kristi na urenga fuvu hari mwa umutsambadzio wa idamu yahe: Urehema na amani nazimuendreleyeni ha uwengi.

1 MONYE 3:20

ne ɗe zizo zakohara utuĩ hale oho, wakati isuɓira ya Mungu yakolindra hari mwa zisuku Nuhu akofanya lidjahazi. Moni v̄walo v̄uhuyiwa hisaɓu titi ya wanadamu yapara wanane, ha uv̄irisiwa hari mwa maji.