1 MONYE 1:19 - Ha`bari Ndjema ya I Maore

¹⁹ ɓadi ha idamu yendza kima ɓole ya Kristi, mauri ya mwana ɓariɓari kana shifeli wala pandra.

1 MONYE 1:19 Referans Kwoze

1 YUHANI 1:7

Ɓadi neka risendra heuni, mauri waye-waye alio heuni, v̄av̄o ra hari mwa uv̄umoja wasi na wasi, amwesa idamu ya Insa, Mwana wahe, isurirahatsa na kula dhambi.

YUHANI 1:29

iSuku yaɗunga Yahaya amuono Insa iv̄o akomujilia. Sa ile arongoa: «Tsunu uMwana Ɓariɓari wa sadaka atoao yamadhambi ya lidunia.

MUV̄ENULIO 5:9

Wakohimba djimbo pia ha urongoa: «Ustahiki urenge ishio, tsena upuwe ziliti zayo. Mana uka utsindzwa, amwesa ha idamu yaho, umununulia Mungu wanadamu wa kula kaɓila, kula luha, kula umati, na kula nishani.

YUHANI 1:36

Ɓas, umuona yahe Insa iv̄o akov̄ira v̄ale, arongoa: «Tsunu uMwana Ɓariɓari wa sadaka wa Mungu!»

MAEFESO 1:7

Haheju, rina ukombofu ha idamu yahe, muswamaha wa madhambi walingana na utadjirifu wa urehema wahe,

MAKOLOSIYA 1:14

alio amba haheju rina ukombofu, ne ɗe umuswamaha wa yamadhambi.

MUV̄ENULIO 1:5

na ulawa ha Insa-Kristi, ushahidi muaminifu, udzazi wa handra wa uwafu, amma shitswa wa wafalume shiv̄andreju mwa tsi. Ha Uwo ariv̄endzao, arikomboa hari mwa madhambi yatru ha idamu yahe,

MATIYO 20:28

Iyo ɗe inamuna uMwana wa Mwanadamu kaja arumishiwa, ɓadi aja arumishiye, na udzitoa fidia akombowe wengi wa wanadamu.»

1 YUHANI 2:2

Waye-waye ɗe lisadaka liripariao muswamaha madhambi yatru, wala tsi ɗe yatru tu ɓasi, ɓadi wajau na ya ulemengu kamili.

MUV̄ENULIO 7:14

Tsimudjiɓu: «Mutukufu, wawe usujua.» Amwesa aniambia: «Wao ɗe walawao hari mwa lidjondo ɓole. Wafua nguo zawo, wazifanya ndjeu hari mwa idamu ya uMwana Ɓariɓari.

MAV̄INGIZI-RISALA 20:28

Ɓasi namudzifahamishe wanyu na liɓangwe piya la maaminifu iRoho Ndzitwaharifu yamudhwaminishanilo; namutsunge iDjama Ndziwaminifu ya Mungu aipara ha idamu yahe monyewe.

1 MONYE 3:18

Mana Kristi waye-waye ne aondesheha mara moja ɓas ha siɓaɓu ya madhambi ya wanadamu. Waye mwendza haki afariki ha tanafu ya tsi wendza haki, ile pare amuv̄ingeni ha Mungu. Aulawa umwili wahe, ɓadi aẽshisiwa ha iRoho.

MATIYO 26:28

mana ini ɗe idamu yangu idhiɓitishao umukataɓa, damu yendrao yatrihe ha faida ya watru wengi, ile wapare muswamaha wa madhambi.

MUV̄ENULIO 14:1

Amwesa tsiono uMwana Ɓariɓari ahima hari mwa uMulima wa Siyuna. Na v̄umoja na waye, v̄uka watru alifu miya wa aruɓaini na nne (144 000), walio amba usoni hawo v̄uka v̄uangihwa lidzina lahe na lidzina la Ɓaɓahe.

MUV̄ENULIO 5:6

Amwesa hari-hari na ishiri ya ufalume na ziumbe nne zendza roho zile, na hari-hari na wadzaɗe wale, tsiono Mwana Ɓariɓari ahima, aka mauri aka atsindzwa. Akana nyonga saɓa na matso saɓa, zilio ɗe roho saɓa za Mungu zav̄elehwa hari mwa piya ishiv̄andre ya tsi.

MAROMU 3:25

Waye ɗe Mungu amutoa ake sadaka la muliv̄isho, ile ha idamu yahe, ake indzia ya upara muswamaha wa madhambi ha wao waaminio, pare aonese uhaki wahe; mana kaɓula oho, kakov̄ondra watru ha siɓaɓu ya madhambi yao.

1 MONYE 1:2

Mutsahulwa na Mungu amma Ɓaɓa, ha ulingana na inia akanayo rangu kaɓula, tsena mutwaharishiwa na iRoho, mukane utuĩvu ha Insa-Kristi na urenga fuvu hari mwa umutsambadzio wa idamu yahe: Urehema na amani nazimuendreleyeni ha uwengi.

MUV̄ENULIO 14:5

Na hanyoni hawo kav̄waparihana trambo; kawana tuhuma.