1 MONYE 1:14 - Ha`bari Ndjema ya I Maore

¹⁴ Mauri wana watuĩvu, mwasudzilishe mwatawaliwa na zingushauku mwakanazo nyumeni hule, wakati raha kamwakana ujuzi.

1 MONYE 1:14 Referans Kwoze

MAROMU 12:2

Musudzilinganise na ulemengu wa leo, ɓadi namudzilishe mugaudziwe ãkili yanyu ike pia, ile mushindre mujuwe yamav̄endzeleo ya Mungu, ne ɗe izo zilio ndjema zimujiv̄iao, tsena zarahara.

MAEFESO 2:2

yalio amba mwakoyafanya ha uɗunga maendreleo ya ulemengu unu, mwakotuĩ umutawalizi wa iyezi ya hawani, lidjini lirendrao av̄asa ha wao kawatuĩ.

1 MATESALONIKA 4:5

ɓila udzieleha na taɓia ya shahawa, mauri ɗe namuna wafanyao watru wa zinishani zangina kazimuji Mungu.

MAROMU 6:4

Hari mwa umuɓaĩsho|uɓaĩsha wa ufa uwo, v̄av̄o ridzihwa v̄umoja na waye, ile pare mauri ɗe inamuna Kristi aregezewa hayi ha ulawa hari mwa ufa ha utukufu wa Ɓaɓa, wasi wajau rikane maendreleo ya uhayati muv̄ia.

MAV̄INGIZI-RISALA 17:30

Mungu kasuangalia uwakati wa zamani wanadamu waka wajinga, ɓadi av̄asav̄anu asuhira piya watru v̄ahali yotsi walio wandre toɓa.

MAEFESO 5:6

V̄usuke ata mutru amudanganyani ha marongozi kayana mana, mana ɗe ha siɓaɓu ya izo, ɗe hadhaɓu ya Mungu ijiliao watru kawasumutuĩ.

1 MONYE 1:2

Mutsahulwa na Mungu amma Ɓaɓa, ha ulingana na inia akanayo rangu kaɓula, tsena mutwaharishiwa na iRoho, mukane utuĩvu ha Insa-Kristi na urenga fuvu hari mwa umutsambadzio wa idamu yahe: Urehema na amani nazimuendreleyeni ha uwengi.