1 MONYE 1:1 - Ha`bari Ndjema ya I Maore

¹ Wami Monye, Muv̄ingizi-Risala wa Insa-Kristi, ha wao watsahulwa waẽshio shi wadjeni, tsena watsambadziwa hari mwa yimikaɓala ya Pontusu, Galatwiya, Kapadokiya, Aziya na Ɓitiniya.

1 MONYE 1:1 Referans Kwoze

YAKOƁU 1:1

Wami Yakoɓu, murumishi wa Mungu amma wa Raɓi Insa-Kristi, ha zingudjama kumi na mbili zatsambadziwa ulemenguni. Salamu ju lanyu.

MAHEƁRANIYA 11:13

Ɗe hari mwa uaminifu ɗe piya watru wao wafa, ɓila upara trongo waka watolewa wahadi, ɓadi wakoziona, tsena wakozishangiria rangu mbali, ha ukuɓali amba wa wadjeni na watru wav̄irao na ndzia shiv̄andreju mwa tsi.

MAEFESO 2:19

Ɓasi ha izo, kamusi tsena wadjeni wala watru wa v̄ondze, ɓadi muna uraĩa moja na watwaharifu, mwa hari mwa udjama wa Mungu.

MAV̄INGIZI-RISALA 8:4

Ɓas, watru waka watsambadziha, wakwendra na ujudza iHaɓari Ndjema.

YUHANI 11:52

wala tsi ɗe inishani yawo tu, ɓadi tsena pare atsanganise piya uwana wa Mungu watsambaliha, wafanyishihe shitru moja.

MATIYO 24:22

Na djeli zisuku za ãdhaɓu zizo kazaka zav̄ungudziwa, kav̄usi ata mutru atsohuyiwao; ɓadi ha siɓaɓu ya uwatru watsahulwa, suku zizo zitsov̄ungudziwa.

1 MONYE 2:11

Wav̄endzewa wangu, wanyu mulio wadjeni shiv̄andreju mwa tsi, tsena muv̄irao na ndzia, nisumutafadalini mudziɓause na zingushauku za shiunadamu ziwanao na nafusi zanyu.

2 MONYE 1:1

Wami Simoni Monye, murumishi amma Muv̄ingizi-Risala wa Insa-Kristi, ha wao wapara uaminifu wendza thamani moja na watru, ha uhaki wa Mungu watru amma Muhuyifu Insa-Kristi.

MAEFESO 2:12

amba wakati uwo mwakoka ɓila Kristi; muka v̄ondze na umati wa Israila, muka wadjeni na yimikataɓa|mukataɓa ya uwahadi, kamwakana tama wala Mungu ulemenguni.

2 MAKORINTIYO 1:8

Kweli amba karisutsaha yaka amba kamwajua, wananyangu, zitaãɓu raziona hari mwa liɓavu la Aziya. Rika risongwa ha kusudi ata yakov̄iria zinguvu zatru, ha namuna amba rika rilawa tama ya uɓaki hayi.

MAV̄INGIZI-RISALA 18:2

Apara Muyahudi hule akohiriwa Akila, mutru wa shi Pontusu, aka awaswili tsi hale ulawa Italiya, waye na mushe wahe Priskila, mana Klaudiyusu aka atoa ãmuri amba piya Mayahudi walawe Romu. Ɓaulusu andre awapara,

MUV̄ENULIO 1:11

larongoa: «Trongo uionao, iangihe hari mwa shio, amwesa uiv̄elehe ha ziDjama Ndziwaminifu saɓa zini: Efeso, Smirna, Pergamu, Tiyatira, Sardesu, Filadelfiya, na Laodiseya.»

2 TIMUTAUSU 1:15

Usujua amba piya walio Aziya waniɓauha, na mengoni mwao ɗe Figuli na Hermujanu.

MAGALATWIYA 1:2

na piya wananya wa shi uaminifu walio na wami, risumuangishiani wanyu ziDjama Ndziwaminifu za Galatwiya:

1 MAKORINTIYO 16:19

ziDjama Ndziwaminifu za Aziya zimusalimuni. Akila na Priskila, v̄umoja na iDjama Ndziwaminifu ilio muraɓani hawo, wamuv̄ani masalamu mengi hari mwa uv̄umoja na Raɓi.

MAV̄INGIZI-RISALA 19:10

Zile zirenge muda wa maha mili, ata piya wakazi wa Aziya, Mayahudi na Magiriki, wakia Urongozi wa Raɓi.

MAV̄INGIZI-RISALA 18:23

Ɓaanda av̄itsa mwana muda Antiyokiya hule, Ɓaulusu afungu musafara av̄iriye yimikaɓala ya Galatwiya na Frugiya, ha utria ɓari piya maswihaɓa.

MAV̄INGIZI-RISALA 6:9

V̄uka wasalia hari mwa watru wa iNyumba ya Uswali ya Warumwa Waɓuliwa, ɗe iheli yakohiriwa, Mayahudi ya shi Kureniya na Aleksandriya, ya shi Silisiya na Aziya, waandrisa ushindrana na waye;

YUHANI 7:35

Mayahudi yaambiana: «Hav̄i ɗe atsendrao ata karitsomupara? Saɓu katsendra ha wale waẽshio hari mwa yaMagiriki, andra asomedza yaMagiriki?

MATIYO 10:2

Tsayanu madzina ya Mav̄ingizi-Risala kumi na maili yahe: wa handra Simoni ahiriwao Monye, na mwananyahe Andreasa; Yakoɓu mwana wa Zuɓudu, na mwananyahe Yuhani;

MATIYO 4:18

Suku mengoni mwa suku, Insa akov̄ira wangoni na iƁahari ya Galilaya|Ɓahari ya Galilaya. Ɓas, v̄ale aono wananya waili, Simoni akohiriwa Monye, na Andreasa mwananyahe, wakovutsa wavu ɓaharini, mana waka walozi.

LUKASI 18:7

Hali Mungu katsov̄a haki watru wahe awatsahua, wamuliliao mauku na mitsana? Hali atsohoma uwadjiɓu?