1 MAKORINTIYO 9:8 - Ha`bari Ndjema ya I Maore

⁸ Hali trongo zini nisuzirongoa shiuɓinadamu tu? Hali iSharia kaisuzirongoa wajau?

1 MAKORINTIYO 9:8 Referans Kwoze

1 MATESALONIKA 4:8

Ha izo, mutru aharao maosio yao kasuhara mwanadamu, ɓadi Mungu, waye kamwe amuv̄aoni Roho Ndzitwaharifu yahe.

1 MATESALONIKA 2:13

iMana tsena ata wasi karisuzia uhimidia Mungu, ɗe iv̄o upara yanyu urongozi wa Mungu ulio amba rimujudzaniwo, muukuɓali tsi amba mauri urongozi wa shiuɓinadamu, ɓadi mauri ɗe inamuna ulio ha kweli, amba urongozi wa Mungu ufanyao hazi moni hanyu wanyu muaminio.

1 MAKORINTIYO 14:34

watruwashe nawaɓurihe hari mwa yimingulidzano, mana kawaruhusiwa ulagua moni v̄av̄o; ɓadi nawake twaã, mauri ɗe iheli yarongolwa wajau na iSharia.

1 MAKORINTIYO 7:40

Ɓadi namuna nionao, atsoka rahani zaidi neka aɓaki namuna alio. Tsena nisufikiri amba wami wajau, ne nisuv̄ingwa na iRoho ya Mungu.

MAROMU 6:19

Nisulagua shi unadamu, ha siɓaɓu ya udziro wa uelewa wa shiuɓinadamu wanyu. Mauri ɗe inamuna mwaka mwafanya ziga za umwili wanyu warumwa wa tsama na upeu uengedzehao ha upeu, v̄av̄o namufanye av̄asa ziga zanyu warumwa wa ihaki iv̄ingao hari mwa utwaharifu.

MAROMU 3:31

Hali v̄av̄o, risulalusa iSharia ha siɓaɓu ya uaminifu? Ata hata! Ɗe ikinyume, v̄av̄o risuhakikisha iSharia.

MAROMU 3:5

Ɓadi neka zimbovu zatru zisuv̄enua uhaki wa Mungu, v̄av̄o rirongowe trini? Amba Mungu tsi wa haki neka asuriãdhiɓisha ha zihadhaɓu zahe? (V̄av̄o nisulagua shiunadamu.)

MAGALATWIYA 1:11

Nisumuhakikishani, wananyangu, amba iIndjili nakoijudza, tsi ya shiuɓinadamu.