1 MAKORINTIYO 9:3 - Ha`bari Ndjema ya I Maore

³ Hifadhwi yangu ɗe ini mbeli za wao waninamuao:

1 MAKORINTIYO 9:3 Referans Kwoze

2 TIMUTAUSU 4:16

Udziwanilia yangu mara ya handra, kav̄u ata mutru aka ɓavu moja na wami; piya wanipuka. Mungu asuwahasiɓiye kosa lilo.

MAFILIPI 1:17

Na wa handra wale umujudza Kristi ha mashindrano, wala tsi ha umo warahara. iNia yawo ɗe ufanya namuna amba zifungo zangu zizidi uka ndziro.

MAFILIPI 1:7

Iyo haki neka nisumufikirini piyanyu namuna iyo, mana nisumuv̄ingani rohoni, wanyu mulio amba neka hari mwa zifungo za silisili zangu, mauri hari mwa idifaĩ na uhakikisha iIndjili, musurenga fuvu piyanyu hari mwa ineema nadjaãliwayo.

2 MAKORINTIYO 13:10

Iyo ɗe imana ata iv̄o tsisi v̄umoja na wanyu niangihao zizo, ile pare wakati nitsokao, ike amba tsi paka nirumiye uhali walingana na iyezi Raɓi aniv̄a amba ya uhodarisha, ɓadi tsi ya uangamidza.

2 MAKORINTIYO 13:5

Namudziv̄ime wanyu wenyewe, ile muone neka mwa hari mwa uaminifu, namudzitunde wanyu wenyewe. Hali kamusuona amba Insa-Kristi a moni hanyu? Ɓadi neka utunduzi usumusingidzani.

2 MAKORINTIYO 13:3

iv̄o mutsahao udhiɓitifu amba Kristi asulagua ha indzia yangu, waye alio amba tsi mulemevu mbeli zanyu, ɓadi alio mushindzi hari mwanyu.

1 MAKORINTIYO 14:37

Neka v̄wa mutru aonao amba waye mutru ajudzao marongozi ya shi mutrume yashukidziwa, au mutru av̄ingwao na iRoho, nakuɓali amba izo nimuangishiaonizo, iyo ãmuri ya Raɓi.

MAV̄INGIZI-RISALA 25:16

Tsiwadjiɓu amba Maromu|Romu kawasina udzevu wa uv̄eleha mutru aãdhiɓiwe kaɓula ya waye utekelezewa maswa ha maswa na wale wamushitakio, ile av̄olwe nafasi adziwaniye na yamasingidzo yale.

MAV̄INGIZI-RISALA 22:1

«Wananyangu na maɓaɓangu, namuvulishiye izo nilionazo av̄asa za umuambiani ha udzidifaĩ mbeli zanyu.»

LUKASI 12:11

Wakati mutsov̄ingwao moni na Nyumba za Uswali, au mbeli za makizi-mbeli, au tsena mbeli za madhwamana, mwasushange na inamuna mutsodziwaniao, au na izo mutsozirongoao.

1 MAKORINTIYO 9:2

Neka ha wangina wami tsi Muv̄ingizi-Risala, ɓadi ha wanyu anga, wami tsa. Mana wanyu ɗe mulio sawa na umuhuri udhiɓitishao Uv̄ingizi-Risala wangu ha Raɓi.

1 MAKORINTIYO 9:4

Hali karisina ruhusa ya uɗya na unwa?