1 MAKORINTIYO 9:25 - Ha`bari Ndjema ya I Maore

²⁵ Piya walio hari mwa mashindrano udziɓalidza na nyengi. Na wao ufanya trongo iyo, ile wapare hishima ilio amba muola. Ɓadi wasi yatru tsi muola, ya daima.

1 MAKORINTIYO 9:25 Referans Kwoze

2 TIMUTAUSU 2:5

Na mushindranizi kahishimiwa neka kashindrana ha uɗunga ziSharia.

MUV̄ENULIO 2:10

Usuriye trongo zijao zihupare. V̄anu Iɓilisa asuja apulise ɓaãdhwi mengoni mwanyu shiv̄ani ile pare mudjereɓihe; mutsopara suku kumi za matreso. Ɓaki muaminifu mupaka hari mwa ufa, na wami nitsohuv̄a likara la uhayati.

1 TIMUTAUSU 6:12

Wanilia ikondro ndjema ya uaminifu, usike uhayati wa daima ulio amba uhiriwa uke nawo, na ha uwo ɗe wafanya mukuɓalisho mwema mbeli za mazahidi ha uwengi.

MUV̄ENULIO 3:11

Nisuja tsi hale. Sika iyo ulionayo, ile v̄usuke ata mutru arenga ikemba yaho.

YAKOƁU 1:12

Aɓarikishiha monyewe ustahamili mudjereɓio, mana ɓaanda itsokao amba adjereɓiwa, atsopara ihishima ya uhayati yatolewa wahadi na Mungu ha wao wamuv̄endzao.

2 MONYE 1:6

ju la ujuzi, trongo ya udzizia, na ju la udzizia, ustahamilivu, ju la ustahamilivu, maendreleo ya ĩɓada,

1 MONYE 5:4

Na wakati uMutsunga Muɓole atsov̄enuao, mutsopara ihishima yendza utukufu kaimenyeha.

1 MONYE 1:4

mwaratha tsi muangamivu, ɓila pandra, wala unyaivu, mwalishiwawo pev̄oni,

MAGALATWIYA 5:23

utrulivu, na udzizia. Kav̄u Sharia ilio kinyume na trongo mauri ɗe zizo.

MAHEƁRANIYA 12:28

Ha izo, iv̄o riparao utawalizi kaugudzusiha, narihimidiye ha umutolea Mungu ĩɓada imujiv̄iao yendza utuĩvu na staha.

MAHEƁRANIYA 12:4

Hari mwa ushindrana yanyu kinyume na dhambi, raha kamwakingia ata mwatra damu.

1 MAKORINTIYO 15:54

Wakati itsokao amba ndziangamia ipindri itsindziangamia, na ndzifa ipindri itsindzifa, v̄av̄o urongozi wa uMuangishio Mutwaharifu unu utsotsimidziha: «Ufa uzimwa hatwi na ushindrifu mukamilifu.»

MUV̄ENULIO 4:10

uwadzaɗe shirini na wanne wale wasusudjudia ule aketsi hari mwa ishiri ya ufalume, wasuãɓudu Monyewe uẽshi ha daima, na ulisha kemba zawo mbeli za ishiri ya ufalume ha urongoa:

MUV̄ENULIO 4:4

Hari mwa ishiri ya ufalume ile, v̄uka v̄uzingidzia ziri za ufalume shirini na nne. Hari mwa ziri za ufalume zile, v̄uka v̄uketsi wadzaɗe shirini na wanne waka wapindra nguo ndjeu, na kemba ya dhahaɓu shitswani hawo.

TITUSA 1:8

Ɓadi nake mukariɓisa, muv̄endza izo zilio ndjema, muelevu, mutru wa haki, mutwaharifu, mutru ashindrao adziziye,

TITUSA 2:2

Sariɓia watruɓaɓa wendza maha wake watru wakasidi, wendza hishima, waelevu, wake wahodari hari mwa uaminifu, uv̄endza na suɓira.