11 Neka ritaɓu hanyu ndjema za shiroho, ɓasi hali iyo trongo ɓole wasi uvuna hanyu zitru za urilela?
Waono amba ndjema ya uifanya, ɓadi ha kweli, iyo ika deni mbeli zawo. Mana neka watru wa zinishani zangina wapara fuvu hari mwa zineema za shiroho za Mayahudi, v̄av̄o walazimu wawasaidiye hari mwa zitrongo za maẽsha ya kula suku.
Uwo asomedzewao Urongozi wa Mungu, naanise ndjema zahe piya na uwo amusomedzao.
Ɓasi v̄av̄o iyo tsi ãdjaɓu amba warumishi wahe wadzifanye warumishi wa haki. uMwiso wawo utsolingana na zitrendrwa zawo.
Hari mwa umusafara wanyu, musuv̄inge mukoɓa, wala nguo ya ugaudza, wala kaɓwa, wala ɓankora. Mana mufanyizi-hazi ustahiki shahula yahe.
Ɗe ha inamuna iyo wajau, Raɓi ahetsi amba wao wajudzao iIndjili, waẽshi ha iIndjili.
Tsi amba nisuzunguha musada; ɓadi iyo niitsahao, ɗe mavuna yazidishihao ha faida yanyu.