1 MAKORINTIYO 8:4 - Ha`bari Ndjema ya I Maore

⁴ Ɓasi yahusu muɗyio wa nyama zatolewa masadaka masanamwe, risujua amba sanamwe, lilo mufano wa shitru kaisi ha kweli ulemenguni, tsena risujua amba kav̄u Mungu neka tsi moja ɓas.

1 MAKORINTIYO 8:4 Referans Kwoze

1 TIMUTAUSU 2:5

Mana v̄wa Mungu moja tu, tsena muparanisa moja ɓaina ya Mungu na wanadamu, ne ɗe Kristi-Insa, mwanadamu,

MAEFESO 4:6

Mungu moja amma Ɓaɓa wa piya, alio uju na piya, ha piya, na hari mwa piya.

MARKUSI 12:29

Insa adjiɓu: «iMahususu ɗe ini: ‹Vulishia umati wa Israila! Mwalatru Monyezi Mungu, waye weke ɗe Mola.

YUDA 1:25

ha Mungu moja-moja, Muhuyifu watru ha ndzia ya Insa-Kristi, Raɓi watru, nav̄uke utukufu, ufalume, ushindzi na yezi, rangu kaɓula ya kula wakati, av̄asa, amma hari mwa piya uwakati! Amina.

1 MAKORINTIYO 8:10

Mana neka mutru asuhuona wawe uliona ujuzi amba uketsi, usuɗya moni na nyumba ya masanamwe, hali v̄av̄o ule alio amba likoho la unamuzi wa zindjema na zimbovu kalisi hodari, katsotrilwa ɓari ya waye uɗya nyama yatolewa sadaka masanamwe?

1 MAKORINTIYO 8:1

Ɓasi yahusu nyama zatolewa sadaka masanamwe, risujua amba piyasi rina ujuzi. Ujuzi, uwo uv̄inga mutru adziɓuwe, ɓadi mahaɓa, yao uhudza.

MAV̄INGIZI-RISALA 19:26

Na wanyu musuona na ukia amba tsi ɗe Efeso tu, ɓadi wengini mwa iAziya, Ɓaulusu uwo asuambia na udanganya watru wengi wayakinishe amba miungu yifanyiwao ha mihono ya wanadamu, yiyo tsi miungu.

MAV̄INGIZI-RISALA 14:15

ha ushelemedza: «He wanyawe, manatrini ata mufanyao trongo zizo? Wasi ne wanadamu wajau mauri ɗe wanyu, amwesa risumuv̄ingiani haɓari ndjema na umusariɓiani muɓauhe zitru kazina manufa zizo, muzinge ha Mungu alio hayi, Monyewe uumba uwingu, ishiv̄andre ya tsi, iɓahari, na piya zilio moni hazo.

1 TIMUTAUSU 1:17

Ɓasi ha uMufalume wa daima, tsi mufa, tsi muonehana, Mungu weke wahe, nav̄uke hishima na utukufu daimani aɓada. Amina.

MAV̄INGIZI-RISALA 15:20

Ɓadi nariwaangishiye amba wadziziye udzinagisisha na yotsi ilio amba ihusu masanamwe, wadziziye na zitaɓia mbi za shahawa, wasuɗye zinyama zaulawa ha uɓalwa pumu, wala damu.

1 MAKORINTIYO 8:11

Na ha izo tsi muhodari ule asuangamia ha ujuzi waho, waye mwananya muaminifu alio amba Kristi afu ha siɓaɓu ya waye.

MAGALATWIYA 4:8

Nyuma hule iv̄o kamwakomujua Mungu, mwakorumishia mauri warumwa miungu yilio amba ha ihali yayo, kayisi.