1 MAKORINTIYO 8:3 - Ha`bari Ndjema ya I Maore

³ Ɓadi neka mutru asumuv̄endza Mungu, waye uwo ujulihwana na waye.

1 MAKORINTIYO 8:3 Referans Kwoze

2 TIMUTAUSU 2:19

Ɓadi umusingi muhodari wahetsiwa na Mungu, uwo usika, uremwa muhuri na marongozi yanu: «Mola asujua wao walio amba wahe», na tsena «mutru yotsi akuɓalio ha hadhwiri lidzina la Mola, nadziɓause na uovu.»

1 MAKORINTIYO 2:9

Ɓadi mauri ɗe iheli yaangihwa moni na uMuangishio Mutwaharifu: «Trongo zilio amba dzitso kalaziona, kio kalazikia, wala kazangia hari mwa umo wa mwanadamu, trongo zilio amba Mungu azitayarishia wao wamuv̄endzao.»

MAGALATWIYA 4:9

Ɓadi av̄asa, iv̄o mumujuao Mungu, au amba mujulihanao na Mungu, namuna jeje mushindrao murudi raha hari mwa trongo zile kazina ushindzi tsena ndziv̄ungufu, ha utsaha muzirumishiye raha mauri warumwa wazo?

MUV̄ENULIO 2:19

Nisujua zitrendro zaho, uv̄endza yaho, uaminifu waho, urumishi waho, na ustahamilivu waho; na zitrendro za mwiso zaho zazidi za handra.

YAKOƁU 1:12

Aɓarikishiha monyewe ustahamili mudjereɓio, mana ɓaanda itsokao amba adjereɓiwa, atsopara ihishima ya uhayati yatolewa wahadi na Mungu ha wao wamuv̄endzao.

YUHANI 10:14

Wami ɗe umutsunga mwema. Wami ujua maɓariɓari yangu, na yao unijua,

MATIYO 7:23

Ɓadi wami nitsowaambia: ‹Tsaparomujuani; namulawe mbeli zangu v̄anu, wanyu marendra-mbovu!› »

1 YUHANI 4:19

Na wasi risuv̄endza, mana waye ariv̄endze kadimu.

MUV̄ENULIO 2:9

Nisujua matreso yaho na usikini waho, wala ukana amba wawe tadjiri. Tsena nisujua zinaĩ urongolwaozo na wao wadzihirao Mayahudi wala kawasi, ɓadi walio djama iãɓuduo Shetwani.

1 MONYE 1:8

alio amba kamwamuona, ɓadi wanyu umuv̄endza. Na ata av̄asa wala ukana kamusumuona, ne musumuamini, ata musungiliwa na furaha ndzitukufu kaieledzesheha,

MUV̄ENULIO 2:13

Nisujua v̄ahanu uẽshio: v̄av̄o ɗe v̄ulio ishiri ya yezi ya Shetwani. Ususika hodari lidzina langu, tsena kwalatsa uaminifu na wami, ata hari mwa zisuku Antipasi, shahidi muaminifu wangu akoulawa hanyu, v̄ahanu Shetwani aẽshio.

YUHANI 21:17

Amuambia ha mara ya raru: «Simoni, mwana wa Yunasi, usuniv̄endza?» Sa ile Monye aremwa na huzuni iv̄o amudzisa ha mara ya raru: «Hali usuniv̄endza?» Amudjiɓu: «Raɓi, wawe ujua piya trongo. Usujua amba nisuhuv̄endza.» Insa amuambia: «Tsunga maɓariɓari yangu.

YAKOƁU 2:5

Namuvulishiye wananya wa shi uaminifu wav̄endzewa wangu: afa Mungu katsahua wao walio masikini mbeli za ulemengu, amba waka matadjiri hari mwa uaminifu, tsena mawarithi wa utawalizi autolea wahadi ha wao wamuv̄endzao?

MAROMU 11:2

Mungu kajeledza umati wahe ulio amba aujua rangu kaɓula. Hali kamusujua iyo uMuangishio urongoao hari mwa likara lahusu mashitaka ya Eliya mbeli za Mungu kinyume na Israila, amba:

1 MAKORINTIYO 13:12

Leo risuona mahiɓuni hari mwa shiɗo, ɓadi meso oho, maswa ha maswa. Leo nisujua pindri, ɓadi wakati uwo oho, nitsojua ha ukamilifu, mauri ɗe inamuna najulihwana.

1 YUHANI 4:7

Wav̄endzewa wangu, nariv̄endzane, mana uv̄endza ulawa ha Mungu na yotsi av̄endzao udzalwa shi Mungu, tsena umujua Mungu.