1 MAKORINTIYO 7:35 - Ha`bari Ndjema ya I Maore

³⁵ Nisurongoa izo ha tanafu yanyu, wala tsi ha utsaha nimuengedzeyeni ãmuri, ɓadi ile nimutriyeni ɓari mukane maendreleo yalazimu, tsena mudzifungamanise na Raɓi, wala tsi ha fikira zaanisiha.

1 MAKORINTIYO 7:35 Referans Kwoze

1 MAKORINTIYO 7:36

Neka mutru asufikiri amba asudziv̄inga ha namuna kayalazimu mbeli za mutsumba wahe neka kasushindra adzizia na ushauku wahe, ata asuona amba ɓorwa angiye hari mwa ndrolo, ɓasi nafanye trongo aitsahao; v̄av̄o kasuãswi, nawangiye ndroloni.

LUKASI 8:14

Yao yapuliha hari mwa malavu ya miɓa, ɗe wale ɓaanda wakia urongozi ule, wao uendra na trongo zawo: yimifikirisho, zingutadjiri, na zingunafasi za lidunia lini uɓala pumu urongozi ule, ha heli ya uka amba wao udza mbia, ɓadi kaziketsi ata zadzinya.

MAFILIPI 4:8

Yaɓaki iv̄o wananyangu, piya zilio kweli, piya zendza hishima, piya zilio haki, piya zendza uraharifu, piya zav̄endzesheha, piya zastahiki utukuziwa, piya zilio ndjema tsena zastahiki sifa, ɓasi trongo zizo nazike hari mwa fikira zanyu.

1 MAKORINTIYO 7:2

Ɓadi ha utrala taɓia za shahawa kazalazimu, kula mutru nakane mushe wahe, na kula mutrumushe ake na mume wahe.

LUKASI 21:34

«Namudzifahamishe, ha uria ziroho zanyu zasutrihisiwe trongo ya uv̄endza uɗya na unwa, na ya udzishuhulisa taãɓu za maẽsha, ile pare isuku iyo isumujiliyeni ha hafula yaka mauri kamwakodzilindrilia.

MATIYO 19:12

Mana v̄wa ɓaãdhwi amba kawashindri ulola, ha inamuna yawo wadzalwa; v̄wa kawashindri ulola ha siɓaɓu ya shitrendro wanadamu wawafanyia; ɓaãdhwi iv̄o, wadzifanya wao wenyewe amba kawasulola, ha siɓaɓu ya Utawalizi wa Monyewe ziMbingu. Mutru ashindrao aɗunge trongo iyo, naiɗunge.»

TITUSA 2:3

Watrumama wendza maha wajau, wakane maendreleo yastahiki watwaharifu. Ike amba wao kawatefua, wala wasuke walevi, ɓadi wasomedze zilio ndjema,

MAEFESO 5:3

Trongo ya zina, utshafi wa kula namuna, au uv̄endza-upara, zasurongoleshehe ata hata hari mwanyu, mauri ɗe inamuna yastahiki ha watwaharifu.

1 MAKORINTIYO 7:28

Ɓadi neka ulola, v̄av̄o kwaãswi. Na neka mutrumushe-mwanamutsa asulodzwa, v̄av̄o kasuãswi. Ɓadi wao walio hari mwa ndrolo, watsoparwa na taãɓu maẽshani hawo; na wami natsov̄endza nimuhifadhwini nazo.

1 TIMUTAUSU 1:10

ihetsiwa wajau ha wendza shahawa mbovu, watruɓaɓa waendreleanao, wao wafanyao ɓahazazi za wanadamu, wanafiki, walav̄izi wa trambo, wajau na kula yendrao kinyume na musomo mwema

MATIYO 22:15

Ɓas, watru wa ishama ya Mafarisayo wakwendra wapange namuna ya umulimbia Insa utra ata wamusike hari mwa marongozi yahe.