1 MAKORINTIYO 7:2 - Ha`bari Ndjema ya I Maore

² Ɓadi ha utrala taɓia za shahawa kazalazimu, kula mutru nakane mushe wahe, na kula mutrumushe ake na mume wahe.

1 MAKORINTIYO 7:2 Referans Kwoze

MAEFESO 5:28

Ɓasi ha namuna iyo ɗe watruwaume walazimu kula moja av̄endze mushe wahe, mauri ɗe umwili wahe monyewe. Uwo av̄endzao mushe wahe, asudziv̄endza monyewe.

MAEFESO 5:33

Ɓadi namuna yotsi itsokao, kula moja mengoni mwanyu nav̄endze mushe wahe mauri ɗe waye monyewe, na mutrumushe astehi mume wahe.

1 MAKORINTIYO 7:9

Ɓadi neka kawashindri udzizia, ɓasi nawafanye ndrolo. Ɓadi hairi ya ndrolo rahana uvua ha shahawa.

1 MAKORINTIYO 6:18

Namutrale taɓia za shahawa kazalazimu. Dhambi langina lotsi mutru alifanyao, lilo kalihusu umwili wahe, ɓadi uwo afanyao taɓia za shahawa kazalazimu, v̄av̄o asuãswi kinyume na umwili wahe monyewe.

1 TIMUTAUSU 4:3

Wasuɓalidza watru ungia hari mwa ndrolo na uwaãmurisha wasuɗye ɓaãdhwi ya zahula zilio amba Mungu aziumbu ziɗyiwe ha uhimidifu na wao waaminio, tsena wajuao ukweli.

MATIYO 5:32

Ɓadi wami nisumuambiani amba mutru yotsi afunguao mushe wahe wala tsi amba afanya uzindzi, ata aja alolwa na wangina, v̄av̄o asumuzanisa; na mutru yotsi afungiao mutrumushe afungulwa, uwo tsena ne asuzani.»

1 MAKORINTIYO 7:1

Av̄asa yahusu izo mwaniangishia: kweli amba ndjema mutruɓaɓa udzizia na mutrumushe.

1 MAKORINTIYO 7:3

Mutrumume nav̄e mushe wahe yamulazimu, na umutrumushe nafanye trongo ɗe wiyo ha mume wahe.

1 MATESALONIKA 4:4

Kula moja hari mwanyu najuwe asike umwili wahe ha shi utwaharifu na hishima,