1 MAKORINTIYO 6:15 - Ha`bari Ndjema ya I Maore

¹⁵ Afa kamusujua amba yimili yanyu ya ziga za Kristi? Ɓasi nitsorenga ziga za Kristi, nizifanye ziga za susu? Ata hata!

1 MAKORINTIYO 6:15 Referans Kwoze

MAEFESO 5:30

mana wasi ziga za umwili wahe.

MAROMU 12:5

Ɗe ha inamuna iyo wajau wasi rilio wengi, ra mwili moja ha uv̄umoja watru na Kristi, iv̄o piyasi rilio ziga kula moja ha wanyahe.

MAKOLOSIYA 2:19

Na waye kasudzifunga na ishitswa ilio amba ha wiyo, piya umwili wafungamaniha ha uzuri ha zifungo za mwili na yimizi yawo, uhua ha muhulio ulawao ha Mungu.

1 MAKORINTIYO 12:27

Ɓasi wanyu ɗe umwili wa Kristi, na kula moja shiga ya umwili uwo.

MAEFESO 4:12

ile watwaharifu watayarishihe ha ihazi ya urumishi, pare umwili wa Kristi uundrishihe,

1 MAKORINTIYO 11:3

Ɓadi nisutsaha mujuwe amba shitswa wa kula mutruɓaɓa ɗe Kristi, shitswa wa mutrumushe ɗe mutrumume, na shitswa wa Kristi ɗe Mungu.

1 MAKORINTIYO 6:19

Afa kamusujua amba umwili wanyu, uwo ɗe inyumba ndzitwaharifu ya iRoho Ndzitwaharifu ilio moni hanyu, tsena mwaipara ulawa ha Mungu? Wanyu tsi wanyu wenyewe.

MAEFESO 5:23

Mana mutrumume waye ɗe shitswa wa umutrumushe, mauri ɗe Kristi alio shitswa wa iDjama Ndziwaminifu ilio mwili wahe, waye alio uMuhuyifu wayo.

LUKASI 20:16

Atsoja aangamidze walimizi wale, arenge lishamba, av̄elo wangina.» Wakati wakia trongo zile, warongoa: «Ata hata! Tsi trongo mukinishiha!»

MAGALATWIYA 6:14

Hanguju wami, ata idahari tsatsodziɓua ha itsokao yotsi yangina neka tsi hari mwa umuri wa pawa wa Raɓi watru Insa-Kristi, muri ulio amba ha uwo, ulemengu uremwa mizumari ha wami, mauri ɗe namuna nilio ha ulemengu.

MAGALATWIYA 3:21

Hali v̄anu iSharia isendra kinyume na zinguwahadi za Mungu? Ata hata! Na djeli v̄uka v̄utolwa Sharia ishindrao iv̄inge uhayati, v̄av̄o umuhakisho ha Mungu watsoja na iSharia.

MAGALATWIYA 2:17

Ɓadi neka ha wasi utsaha ike amba rihakishihe na Mungu ha uv̄umoja watru na Kristi, riparihana maãswifu wasi wajau, amba v̄av̄o Kristi afanyiha murumishi wa dhambi? Ata hata!

1 MAKORINTIYO 6:13

Na tsena: «Zahula, izo za mimba, na imimba, ya zahula.» Izo kweli; ɓadi Mungu atsoziangamidza izo mbili. Na umwili tsi wa ufanya taɓia za shahawa kazalazimu; uwo wa Raɓi, na Raɓi waye, wa umwili.

MAROMU 7:13

Ɓasi v̄anu trongo ndzuzuri ile ɗe hanguju yafanyiha ufa? Ata hata! Ɓadi lidhambi, ha indzuzuri ɗe laniv̄ingia ufa, ile liv̄enuhe na udhambi walo, pare ha indzia ya iãmuri lidhambi lizidi uv̄enuha amba dhambi.

MAROMU 7:7

Ɓasi v̄anu rirongowe jeje? Amba Sharia, lilo dhambi? Ata hata! Ɓadi tsatsojua amba dhambi ɗe liv̄i, neka tsi ha iSharia. Mana tsatsojua amba udzihafukanisa iyo mbovu, na djeli iSharia kayaka yarongoa: «Usudzihafukanise.»

MAROMU 6:15

Ɓasi v̄av̄o rirongowe jeje? Rifanye madhambi iv̄o karatawaliwa na iSharia, ɓadi amba ra hari mwa urehema? Ata hata!

MAROMU 6:2

Ata hata! Yahusu dhambi, wasi rifu. Ɓasi v̄av̄o ha namuna jeje ritsoẽshio raha moni mwalo?

MAROMU 3:31

Hali v̄av̄o, risulalusa iSharia ha siɓaɓu ya uaminifu? Ata hata! Ɗe ikinyume, v̄av̄o risuhakikisha iSharia.

MAROMU 3:6

Ata hata! Na djeli ɗe namuna iyo, namuna jeje atsohukumuo ulemengu?

1 MAKORINTIYO 6:3

Kamusujua amba ritsohukumu zimalayika? Na v̄av̄o karisurongoa ata hata trongo za maẽsha ya leo!

1 MAKORINTIYO 6:17

Ɓadi uwo adzifungamanisao na Raɓi, ufanyiha roho moja na waye.