1 MAKORINTIYO 6:10 - Ha`bari Ndjema ya I Maore

¹⁰ waidzi, mav̄endza-upara, walevi, marongoa-nnayi, na warav̄izi, kawatsopara fungu hari mwa Utawalizi wa Mungu.

1 MAKORINTIYO 6:10 Referans Kwoze

1 MAKORINTIYO 5:11

Ɓadi v̄ale itrongo namuangishiani, ɗe amba musudziparanise na mutru adzihirao amba mwananya wa shi uaminifu, ne asufanya taɓia ya peu ya shi mwili, au ya uv̄endza upara, au ya uãɓudu masanamwe, au ya urongoa nnayi, au ya ulevi, au ya udangamanyifu. Ata musuɗye ata hata na mutru mauri ɗe uwo.

MAGALATWIYA 5:21

uwivu, ulevi, uv̄iria uɗya, na trongo zangina zilio mufano wa zile. Nisumufahamishani mauri ɗe inamuna madza naifanya: wao wafanyao trongo mauri ɗe zizo, kawatsowarithi Utawalizi wa Mungu.

MAEFESO 4:28

Uwo ahiɓao, asuhiɓe tsena; nadzirume ha ufanya hazi ya kweli ha mihono yahe monyewe, ile akane ya uv̄a uwo akosewa.

1 MONYE 4:15

V̄usuke ata moja hari mwanyu aondesheha amba waye muula, au mwidzi, murendrezi-mbovu, au asupasiwa na trongo za watru,

MATIYO 23:33

Wanyu nyoha, kaɓila yendza sumu! Namuna jeje mutsoshindrao mutrale ishifungo ya umoro wa Djahanama?

1 MATESALONIKA 4:6

Hari mwa itrongo iyo, v̄usuke mutru akosa mwananya wa shi uaminifu, wala amurendra mbi, mana Mola uɗiv̄ia piya trongo zizo, mauri ɗe inamuna madza ramuambianiyo na umuhakikishani.

YUHANI 12:6

Akorongoa trongo ile tsi amba masikini zakomutria shuhuli, ɓadi ɗe iv̄o aka mwidzi, na iv̄o akosika umuzeti wa marike, akorenga zakotrilwa moni.

MATIYO 23:13

«Maondo hanyuju, wanyu Mafundi ya Sharia na Mafarisayo, wanafiki! Mana musuɓalia wanadamu Utawalizi wa Monyewe ziMbingu; wanyu-wanyu kamusungia, wala kamusulisha wangia wao watsahao. [

MATIYO 21:19

Aono mufigiye ndziani, aukuruɓia, ɓadi kapara shitru neka tsi ɗe mani yahe. Sa ile auambia: «Ata dahari kutsodza tsena mbia.» Sa ɗe wiyo ile kamwe, mufigiye ule uhumu.

MAV̄INGIZI-RISALA 20:32

Ɓas av̄asav̄anu nisumudhwaminishani ha Mungu, na ha urongozi wa neema wahe uliona ushindzi wa umuhodarishani, na umuv̄ani mwaratha v̄umoja na piya watwaharishiwa.

1 MAKORINTIYO 15:50

iTrongo nimuambiaoni wananyangu, ɗe amba nyama na damu kazishindri uwarithi Utawalizi wa Mungu, tsena shitru muangamia kaiwarithi shitru tsi muangamia.

MAEFESO 5:5

Mana namujuwe ha uzuri trongo ini amba: kav̄usi mwendza taɓia mbovu za shahawa, zendza utshafi, au za uv̄endza-upara, trongo ilio sawa na uãɓudu masanamwe, atsokao na fungu hari mwa umwaratha wa Utawalizi wa Kristi na Mungu.