1 MAKORINTIYO 5:7 - Ha`bari Ndjema ya I Maore

⁷ Namutenge ilalive ya zamani, ile muke unga muv̄ia, ɓaanda ilio amba kamuna lalive. Mana Kristi, mwana ɓariɓari wa *Mutupio watru, atolwa sadaka.

1 MAKORINTIYO 5:7 Referans Kwoze

MAEFESO 4:22

ɗe amba ilazimu mutsuwe maendreleo ya hale yanyu, mulishe itaɓia ya utru wanyu wa hale uangamiao ha zingushauku ndzidangamanyifu,

YUHANI 1:29

iSuku yaɗunga Yahaya amuono Insa iv̄o akomujilia. Sa ile arongoa: «Tsunu uMwana Ɓariɓari wa sadaka atoao yamadhambi ya lidunia.

MUV̄ENULIO 5:12

Ha ji lendza nguvu wakorongoa: «uMwana Ɓariɓari aka atsindzwa astahiki apare ushindzi, utadjiri, hikima, nguvu, hishima, utukufu, na sifa!»

1 MAKORINTIYO 10:17

Ɓasi iv̄o v̄ulio dipe moja, wasi ha uwengi watru, ra mwili moja, mana piyasi risurenga fuvu hari mwa dipe moja lilo.

YUHANI 19:14

Ika ɗe isuku ya uMutayarisho|Suku ya Mutayarisho wa Unahanizi wa uMutupio|unahanizi, mukaɓala wa sa ya sita. Wakati ule Ɓilatusa aambia yaMayahudi: «Tsuwo mufalume wanyu!»

MARKUSI 14:12

iSuku ya handra ya uMusherehio wa Madipe kayatrilwa Lalive, isuku watru wakotoa masadaka ya wana maɓariɓari ha unahana uMutupio|unahanizi, maswihaɓa ya Insa yamudzisa: «Hav̄i ɗe utsahao rendre rahurengeledzeye uUnahanizi wa Mutupio?»

YUHANI 1:36

Ɓas, umuona yahe Insa iv̄o akov̄ira v̄ale, arongoa: «Tsunu uMwana Ɓariɓari wa sadaka wa Mungu!»

1 MAKORINTIYO 5:13

Wao walio v̄ondze, Mungu ɗe atsowanamuao. V̄uangihwa: «Namutowe umovu hari mwanyu.»

MATIYO 13:33

Insa awatolea raha mufano wangina unu: «Utawalizi wa Monyewe ziMbingu ukiri ufanisiwa na lalive mutrumama airenga aitsanganisa na ziv̄imo traru za ngano, ata ifumuhe piya.»

MAROMU 3:25

Waye ɗe Mungu amutoa ake sadaka la muliv̄isho, ile ha idamu yahe, ake indzia ya upara muswamaha wa madhambi ha wao waaminio, pare aonese uhaki wahe; mana kaɓula oho, kakov̄ondra watru ha siɓaɓu ya madhambi yao.