1 MAKORINTIYO 5:12 - Ha`bari Ndjema ya I Maore

¹² Hali izo zangu za unamua watru walio v̄ondze na iDjama Ndziwaminifu? Na wao walio moni, wanyu tsi ɗe mwalazimu muwanamuwe?

1 MAKORINTIYO 5:12 Referans Kwoze

MARKUSI 4:11

Ɓas, awaambia: «Wanyu ɗe mwadjaãliwa ujua isiri ya Utawalizi wa Mungu, ɓadi wao walio v̄ondze wajudziwazo piya ha mifano,

1 TIMUTAUSU 3:7

Alazimu tsena akane sifa ndzuzuri ha watru wa v̄ondze, ile asuje apuliha hari mwa tuhuma, na hari mwa marambwe ya Iɓilisa.

LUKASI 12:14

Ɓadi Insa amudjiɓu: «Ɓaɓa, mbani ɗe anilisha nike munamuzi wanyu, au muãnisa mali wanyu?»

1 MATESALONIKA 4:12

ile mudziv̄inge ha namuna yastahiki mbeli za watru wa shi v̄ondze, wala udzidjukumisa na mutru atsokao yotsi.

MAKOLOSIYA 4:5

Namudziv̄inge v̄umoja na hikima mbeli za wao walio v̄ondze. Namurumiye ha uzuri uwakati mulionawo.

YUHANI 18:36

Insa adjiɓu: «Ufalume wangu tsi wa ulemengu unu. Na djeli ufalume wangu uka wa ulemengu unu, warumishi wangu watsoniwanilia, ile nasuv̄elehwe mihononi ha Mayahudi. Ɓadi v̄anu, ufalume wangu tsi wa ulemengu unu.»