1 MAKORINTIYO 5:10 - Ha`bari Ndjema ya I Maore

¹⁰ Na v̄ale tsakorongoa ɗe udjimilifu wa wazindzi wa lidunia lini, wala tsi ɗe mav̄endza-upara, marav̄izi, au maãɓudu-masanamwe; mana neka ɗe namuna iyo, mutsolazimu mulawe ulemenguni.

1 MAKORINTIYO 5:10 Referans Kwoze

1 MAKORINTIYO 10:27

Neka mutru kasina uaminifu moja na wanyu amukariɓisani, tsena musutsaha mwendre, namuɗye kula mutsoyeleshewao, ɓila tsi ha udzitafiti na itsokao yotsi ha siɓaɓu ya minamuzi hari mwa yalazimu na kayalazimu.

MUV̄ENULIO 12:9

Ɓasi v̄ale ivutswa utsini, ishinyama ɓole, ne ɗe inyoha ya ãswili ihiriwao Iɓilisa amma Shetwani, uwo adanganyao ulemengu kamili. Avutswa shiv̄andreju mwa tsi, na zimalayika zahe v̄umoja na waye.

1 YUHANI 5:19

Risujua amba wasi wa shi Mungu, na ulemengu kamili wa hari mwa ushindzi wa uMovu.

1 YUHANI 4:5

Wao wa shiulemenguni, iyo ɗe imana ata urongozi wawo wa shiulemenguni, na ulemengu usuwavulishia.

MAFILIPI 2:15

ile musuparihane na tuhuma, ɓadi muke watru warahara, wana wa Mungu kawasina pandra mbeli za lidunia ɓovu dziãswifu lini, lilio amba moni halo musuwala mauri mwenge hari mwa ulemengu,

MAEFESO 2:2

yalio amba mwakoyafanya ha uɗunga maendreleo ya ulemengu unu, mwakotuĩ umutawalizi wa iyezi ya hawani, lidjini lirendrao av̄asa ha wao kawatuĩ.

2 MAKORINTIYO 4:4

wao walio amba kawasuamini. Ãkili zawo ziɓalwa matso na umutawalizi wa lidunia lini, ha namuna amba wasuone umuwalio wa iIndjili ya utukufu wa Kristi, alio umufano wa Mungu.

1 MAKORINTIYO 1:20

A hav̄i umwendza hikima? A hav̄i umutaãlamu wa Sharia? A hav̄i umushindranifu wa lidunia lini? Hali Mungu kafanya ndzijinga ihikima ya lidunia lini?

YUHANI 8:23

Amwesa awaambia: «Wanyu wa shi utsini hunu, na wami wa shi uju oho. Wanyu wa lidunia lini, ɓadi wami tsi wa lidunia lini.

1 YUHANI 4:7

Wav̄endzewa wangu, nariv̄endzane, mana uv̄endza ulawa ha Mungu na yotsi av̄endzao udzalwa shi Mungu, tsena umujua Mungu.

YUHANI 17:9

Wao ɗe niwamiliao. Tsisumilia ulemengu, ɓadi ɗe wao waniv̄awo, mana wao waho.

YUHANI 17:6

Tsihuv̄enusa ha wao waniv̄awo, wawarenga hari mwa ulemengu. Waka waho, amwesa univ̄awo, tsena wasiki urongozi waho.

YUHANI 15:19

Na djeli muka wa lidunia, lidunia latsomuv̄endzani amba wa wilo. Na wanyu tsi wa lidunia, ɓadi tsimutsahuani hari mwa lidunia; iyo ɗe imana ata lidunia limuengaoni.

LUKASI 18:11

Mufarisayo ule ahimi v̄ale, akofanya mamilio yanu rohoni hahe: ‹Mwalangu, nisuhuhimidia ha iv̄o tsisi mauri ɗe watru wasalia walio waidzi, wa peu, wazindzi, au mauri ɗe muliv̄isa-latete ule.

1 MAKORINTIYO 5:9

Tsimuangishiani hari mwa liɓarua langu amba musudziparanise na wao waliona taɓia za shahawa kazalazimu.

1 MAKORINTIYO 5:11

Ɓadi v̄ale itrongo namuangishiani, ɗe amba musudziparanise na mutru adzihirao amba mwananya wa shi uaminifu, ne asufanya taɓia ya peu ya shi mwili, au ya uv̄endza upara, au ya uãɓudu masanamwe, au ya urongoa nnayi, au ya ulevi, au ya udangamanyifu. Ata musuɗye ata hata na mutru mauri ɗe uwo.