1 MAKORINTIYO 4:15 - Ha`bari Ndjema ya I Maore

¹⁵ Mana wala ukana mupara wav̄ingizi alifu kumi hari mwa uv̄umoja wanyu na Kristi, tsi amba muna maɓaɓa wengi. Mana hari mwa uv̄umoja wanyu na Kristi-Insa, wami ɗe namudzani ha ndzia ya iIndjili.

1 MAKORINTIYO 4:15 Referans Kwoze

MAGALATWIYA 4:19

Wana wangu mulio amba tsina utungu wa madzazi raha na wanyu, ata mupaka Kristi afanyishihe moni hanyu!

1 MAKORINTIYO 3:10

Ha ineema ya Mungu nadjaãliwayo, tsihedza musingi mauri muundrizi mwendza hikima, na wangina asuundra uju mwawo. Ɓadi kula moja nafahamu na inamuna yahe aundrao uju.

1 MAKORINTIYO 9:23

Nisufanya piya zini ha siɓaɓu ya iIndjili, ile nipare fungu hari mwayo.

1 MAKORINTIYO 9:14

Ɗe ha inamuna iyo wajau, Raɓi ahetsi amba wao wajudzao iIndjili, waẽshi ha iIndjili.

1 MONYE 1:23

Kweli amba muv̄olwa uhayati muv̄ia, tsi ha mbeu muangamia, ɓadi ha mbeu tsi muangamia, ha urongozi ulio hayi tsena ulio v̄av̄o wa Mungu.

YAKOƁU 1:18

Ha inia yahe monyewe, aridza ha urongozi wa kweli, ile rike ha shi urongozi, madzazi ya handra ya ziumbe zahe.

FILIMUNA 1:19

Wami Ɓaulusu ɗe niangihao ha umuhono wangu amba nitsohurudisiayo wami monyewe. Wala tsisuhuambia amba deni ulionayo hangu, ɗe inafusi yaho.

TITUSA 1:4

Nisuhuangishia wawe Titusa, mwana wangu wa kweli hari mwa uaminifu watru shirika: Rehema na utrulivu zilawao ha Mungu amma Ɓaɓa v̄umoja na Kristi-Insa, Muhuyifu watru, nazihuendreleye.

2 TIMUTAUSU 4:3

Mana v̄utsoja wakati amba watru kawatsostahamili uvulishia musomo mwema. Ɓadi ha ushauku wa ukia izo ziwawao makio yawo, watsodziparia wengi wa mafundi.

1 MAKORINTIYO 9:18

Ɓasi shiliv̄o yangu ɗe iv̄i? Ɗe wami utamania ɓure-ɓure iIndjili niijudzao, wala tsi ha urumia ukamilifu wa zihaki nastahikiwa hari mwa iIndjili iyo.

1 MAKORINTIYO 9:12

Neka wasalia wana ruhusa ya upara fungu hanyu, ɓasi wasi karisinayo zaidi rahana wao? Ɓadi kararumia ruhusa iyo. Ɗe ikinyume, risustahamili piya ile rasutriye kale iIndjili ya Kristi.

1 MAKORINTIYO 3:6

Wami tsitaɓu, Aɓulusu atria maji, ɓadi Mungu ɗe ahudzao.

MAROMU 15:20

Djitihadi yangu ɗe wami ujudza iIndjili v̄ahanu v̄ulio amba dzina la Kristi kalapara lavumbulwa, ile nasuundre hari mwa musingi wa mutru wangina.

1 MAKORINTIYO 1:30

Ne ɗe ha waye Mungu ɗe muliona uv̄umoja na Kristi-Insa, alio amba hatruju afanyishiha hikima yalawa ha Mungu: haki, mutwaharisho, na ukombofu,

1 MAKORINTIYO 3:8

Ule ataɓuo na ule atriao maji, wao sawa, na kula moja atsopara thawaɓu yahe ulawana na ihazi yahe monyewe.

1 MAKORINTIYO 9:16

Kweli amba ujudza iIndjili, kaisi hanguju siɓaɓu ya sifa, mana ija farudhwi wami uifanya. Maondo trini hanguju neka tsisujudza iIndjili!

1 MAKORINTIYO 15:1

Av̄asa wananyangu, nisumunahanidzani iIndjili namujudzaniyo ilio amba muikuɓali, tsena muifanya ngazi,

2 MAKORINTIYO 4:5

Kweli amba tsi ɗe wasi wenyewe ɗe ridzijudzao; risumujudza Insa-Kristi amba waye ɗe Raɓi, na wasi ra warumwa wanyu ha siɓaɓu ya Insa.

MAGALATWIYA 3:24

Ha izo, iSharia ika mulezi watru ata umujilio wa Kristi, ile rikuɓalishihe ha uaminifu.

MAGALATWIYA 3:25

Ata uaminifu uja yawo, karisi tsena utsini na mulezi.