1 MAKORINTIYO 4:10 - Ha`bari Ndjema ya I Maore

¹⁰ Wasi ra wajinga ha siɓaɓu ya Kristi, ɓadi wanyu muna hikima hari mwa uv̄umoja wanyu na Kristi; wasi ra walemevu, ɓadi wanyu muna nguvu; wanyu musuv̄olwa hishima, ɓadi tsi wasi.

1 MAKORINTIYO 4:10 Referans Kwoze

1 MAKORINTIYO 2:3

Wami-wami uka yangu hanyu, tsikana ulemevu na faza, tsena na mudridrimio wendza nguvu.

MAV̄INGIZI-RISALA 26:24

Ɓaanda akodziwanilia namuna ile, Festusi arongoa ha ji lendza nguvu: «Una masera Ɓaulusu! Ĩlimu nyengi zaho zizo zisuhutria masera.»

MAV̄INGIZI-RISALA 17:18

Ɓaãdhwi ya watru wakoɗunga ĩlimu ya Epikuro na Stoyiki waja walagua na waye. Wasalia wakorongoa: «Mulaguzi unu atsaha arongowe trini?» Wasalia, ha iv̄o akomujudza Insa na umuregezeo hayi, wakorongoa: «Isufana mauri asujudza miungu wadjeni.»

1 MONYE 4:14

Neka musunaziwa ha siɓaɓu ya lidzina la Kristi, v̄av̄o muɓarikishiha, mana iRoho yendza utukufu ya Mungu ya hanyuju.

2 MAKORINTIYO 13:9

Wasi ufurahi ramoka walemevu, wakati ikao amba wanyu mwa wahodari; ɓasi mamilio yatru ɗe wanyu ukamilishiha, mwasukane kosa.

1 MAKORINTIYO 3:18

V̄wasuke ata mutru adzilaɓa: neka mutru mengoni mwanyu asudziona mauri mwendza hikima, hikima ya shi duniani, nafanyihe mujinga, ile afanyihe mwendza hikima.

1 MATESALONIKA 4:8

Ha izo, mutru aharao maosio yao kasuhara mwanadamu, ɓadi Mungu, waye kamwe amuv̄aoni Roho Ndzitwaharifu yahe.

2 MAKORINTIYO 11:29

Ɓasi mbani alio mulemevu ata amba wami nasuke mulemevu? Mbani ɗe akwalisiwa ata amba nasuvuwe iroho?

2 MAKORINTIYO 11:19

Musustahamili ha uzuri uwajinga, wanyu mulio wendza ãkili!

2 MAKORINTIYO 10:10

Mana isurongolesheha amba: «Maɓarua yahe madziro, tsena mahali, ɓadi amoka v̄av̄o waye-waye, waye ata tsi muhodari, na urongozi wahe tsi shitru.»

1 MAKORINTIYO 10:12

Ha izo, monyewe udzifikiria amba alimbala, natahadhari asuje awa.

1 MAKORINTIYO 4:8

Madza mukurisiwa! Madza mutadjirisiwa! Musutawala ɓila wasi! Na djeli amba mwakotawala ha kweli! V̄av̄o wasi wajau ratsotawala v̄umoja na wanyu!

1 MAKORINTIYO 3:2

Tsimuv̄ani dzia, ɓadi tsi shahula mangavu, mana kamwatsoshindra, wala ata av̄asa ne kamushindri.

1 MAKORINTIYO 2:14

Ɓadi mwanadamu nyama-nyama kashindri ukuɓali trongo zahusu iRoho ya Mungu. Mana haheju izo ujinga, tsena kashindri uzijua, mana izo unamulwa ha iRoho.

MAV̄INGIZI-RISALA 17:32

Wakati watru wale wakia itrongo ya umuregezeo hayi wa watru wafa, wasalia watsehe, na wasalia warongoa: «Ritsohuvulishia hari mwa ihadisi iyo wakati wangina.»

MAV̄INGIZI-RISALA 9:16

Nitsomuonesa piya yamatreso alazimu ayav̄iriye ha siɓaɓu yangu.»

LUKASI 18:9

Atoa tsena mufano unu ha wale wakodzirendra amba warahara, amwesa wakov̄ungua wasalia:

LUKASI 10:16

Uwo amuvulishiaoni, asunivulishia, na uwo amuharaoni, asunihara; na tsena uwo aniharao, asuhara Uwo aniv̄eleha.»

LUKASI 6:22

Furaha ha wanyu watru wamomuengani, au wamomutengani, au wamomuruhanani, au wamohetsi dzina lanyu amba ɓovu ha siɓaɓu ya uMwana wa Mwanadamu.

MATIYO 24:9

Ɓas, mutsotrilwa hari mwa matreso, na uulawa. Mutsoengwa na piya zinishani ha siɓaɓu ya lidzina langu.

MATIYO 5:11

Furaha hanyuju neka wanadamu wasumuruhanani, wasumutresani, au wasumukadzani pandra la peu la kula namuna ha siɓaɓu ya wami.

1 MAKORINTIYO 1:21

Kweli amba ha iv̄o hari mwa ihikima ya Mungu ulemengu kawamujua ha ihikima yawo, Mungu waye aono afudhwali ha ndzia ya ujinga wa umujudzio wa umuri wa pawa ahuyi wao waaminio.

1 MAKORINTIYO 1:23

wakati ulio amba wasi risumujudza Kristi aremwa mizumari hari mwa muri wa pawa, trongo ilio siɓaɓu ya mukwaliso wa Mayahudi, amma ujinga ha zinishani zangina;

1 MAKORINTIYO 1:25

Mana trongo ya Mungu ionehanao amba ugedze, iyo yendza hikima rahana wanadamu, na uwambamba wa Mungu, uwo hodari rahana wanadamu.

2 MAKORINTIYO 6:8

hari mwa hishima na uonevu, hari mwa sifa mbovu na ndjema, uonehana amba wadangamanyifu, ata iv̄o rilio wa kweli;

2 MAKORINTIYO 4:12

Ha izo, moni hatru ufa ɗe urendrao, ɓadi moni hanyu, ɗe uhayati.