1 MAKORINTIYO 3:5 - Ha`bari Ndjema ya I Maore

⁵ Afa Aɓulusu mwa, uwo mbani? Na Ɓaulusu ɗe mbani? Warumishi walio amba ha indzia yawo ɗe mwaja mwaamini, ha ikiasi Raɓi av̄a kula moja hari mwasi.

1 MAKORINTIYO 3:5 Referans Kwoze

2 MAKORINTIYO 6:4

Ɓadi ha kinyume, risudziv̄enua hari mwa kula trongo amba wasi warumishi wa Mungu: rangu ha ustahamilifu muɓole hari mwa matreso, ukosefu, usongefu,

2 MAKORINTIYO 6:1

Rangu rilio washangirizi wa Mungu, risumutriani ɓari mwasurenge ineema mwaipara hahe, mwaifanya shitru tsi yendza mavuna.

1 MONYE 4:10

Kula mutru narumiye ha wanyahe ineema adjaãliwayo; v̄av̄o mutsoka warumishi wema wa urehema wa namuna ha namuna wa Mungu.

2 MAKORINTIYO 3:6

Waye ɗe ariv̄a ushindzi wa uka warumishi wa mukataɓa muv̄ia; tsi mukataɓa waangihwa, ɓadi wa iRoho. Mana ule waangihwa uv̄inga hari mwa ufa, ɓadi iRoho uv̄inga hari mwa uhayati.

2 MAKORINTIYO 11:23

Amba wao warumishi wa Kristi? (Nisulagua shi mutru alatsiha ishitswa!) Wami tsiwazidi. Rangu zihazi za urumbufu-moni, tsiwav̄iria; hari mwa yimitrilio shiv̄ani, tsiwav̄iria raha; hari mwa ziv̄ondro, tsiwazidi mbali. Wakati mwengi tsika hari mwa hatwari ya ufa:

2 MAKORINTIYO 4:7

Ɓadi idafine iyo risuiv̄inga moni hatru, wasi rilio ziya za ɗongo, ile ushindzi kauna mufano unu uonehane amba ulawa ha Mungu, ɓadi tsi hatru.

2 MAKORINTIYO 4:5

Kweli amba tsi ɗe wasi wenyewe ɗe ridzijudzao; risumujudza Insa-Kristi amba waye ɗe Raɓi, na wasi ra warumwa wanyu ha siɓaɓu ya Insa.

2 MAKORINTIYO 3:3

Iv̄enuha amba wanyu mwa ɓarua lalawa ha Kristi, ladhwaminishiwa urumishi watru; ɓarua lilio amba kalaangihwa ha nyongo, ɓadi ha iRoho ya Mungu alio hayi, wala kalaangihwa hari mwa maɓao ya mawe, ɓadi hari mwa maɓao ya mwili, hari mwa ziroho.

1 MAKORINTIYO 3:10

Ha ineema ya Mungu nadjaãliwayo, tsihedza musingi mauri muundrizi mwendza hikima, na wangina asuundra uju mwawo. Ɓadi kula moja nafahamu na inamuna yahe aundrao uju.

1 MAKORINTIYO 12:28

Na hari mwa iDjama Ndziwaminifu, Mungu ahetsi handrani Mav̄ingizi-Risala, ya v̄ili watru wajudzao marongozi washukidziwawo, ya raru watru wasomedzao. Yaɗunga ineema ya ufanya midjuza, amwesa ya uzihira, ya usaidi, ya uv̄inga, na ulagua tafauti za luha zashukidziwa.

1 MAKORINTIYO 9:17

Na djeli nakoifanya ha matamani yangu, natsotumainia shiliv̄o, ɓadi neka nisuifanya tsi ha matamani, v̄av̄o nisutsimidza urumishi nadhwaminishiwawo.

1 MAKORINTIYO 3:7

Ha izo, tsi ule ataɓuo ɗe alio muhimu, wala tsi ɗe ule atriao maji, ɓadi Mungu ahudzao.

YUHANI 3:27

Yahaya adjiɓu: «Mutru kashindri upara shitru neka kav̄olwayo na Mungu, Monyewe pev̄oni.

LUKASI 1:2

Waziv̄ingi ha inamuna rajudziwazo na wao wazishuhudia ha yamatso yawo rangu umwandro wazo, tsena waja wafanyishiha warumishi wa uUrongozi.

MATIYO 25:15

Moja amuv̄a mapauni matsano ya fedha, moja maili, na wa raru av̄olwa pauni moja, kula mutru av̄olwa ha ulingana na inamuna atsoshindrao, amwesa alawa.

MAKOLOSIYA 1:25

Tsifanyiha murumishi wayo ulawana na lidjukuma Mungu anidhwaminisha ha tanafu yanyu, amba nitsimidze utekeleza urongozi wa Mungu,

MAEFESO 3:7

Tsifanyiha murumishi ha ineema ya irehema ya Mungu anidjaãliayo ha ndzia ya umurendreo wa ushindzi wahe.

MAV̄INGIZI-RISALA 18:24

V̄uka Muyahudi wa shi Aleksandriya akohiriwa ha lidzina la Aɓulusu, aka awaswili Efeso. Aka muhodari wa urongozi, amwesa akana ujuzi muɓole hari mwa uMuangishio Mutwaharifu.

MAV̄INGIZI-RISALA 19:1

Wakati Aɓulusu aka Korintiyo, Ɓaulusu awaswili Efeso, ɓaanda av̄iria yimikaɓala ya uju ya iAziya. Oho, aonana na ɓaãdhwi ya maswihaɓa.

MAROMU 15:16

Anidjaãlia ineema ya uka murumishi wa Kristi-Insa ha zinishani zangina. iHazi nadjukumisiwayo ya utolezi masadaka, ɗe ujudza iIndjili ya Mungu, ile watru wa zinishani zangina wake sadaka lakuɓalishiwa na Mungu, latwaharishiwa na iRoho Ndzitwaharifu.

1 MAKORINTIYO 3:22

neka Ɓaulusu, au Aɓulusu, au Sefasi, au ulemengu, au uhayati, au ufa, au trongo za leo, au izo zijao. Piya zanyu,

1 MAKORINTIYO 16:12

Yahusu umwananya Aɓulusu, tsimutria ɓari hodari aje amuoneni v̄umoja na uwananya waaminifu, ɓadi ha kweli kayaka mav̄endzeleo yahe waye uifanya av̄asa; atsoja wakati atsoparao inafasi.

2 MAKORINTIYO 4:1

Ha izo, iv̄o riliona urumishi uwo ha urehema radjaãliwawo, karisupuha ɓari.

2 MAKORINTIYO 5:18

Na piya ulawa ha Mungu, alio amba ariparanisa na waye ha ndzia ya Kristi, tsena aridhwaminisha urumishi wa umuparanisio.

MAKOLOSIYA 1:23

Iyo neka musuɓaki hari mwa uaminifu, muketsi, tsena musiki hodari, ɓila udzilisha muv̄ingwe mbali na itama ya iIndjili mwaikia, ilio amba ijudziwa kula shiumbe utsini na uwingu, na wami Ɓaulusu nafanyiha murumishi wayo.

1 TIMUTAUSU 1:12

Nisumuhimidia Kristi-Insa Raɓi watru, uwo anihodarisha iv̄o aniona muaminifu ha unidjukumisa hari mwa urumishi,