1 MAKORINTIYO 3:3 - Ha`bari Ndjema ya I Maore

³ Mana raha musudziv̄inga shiuɓinadamu. Rangu hari mwanyu v̄ulio uwivu na umani, v̄av̄o kamusi shiuɓinadamu? Hali kamusudziv̄inga ha namuna ya shi ulemengu?

1 MAKORINTIYO 3:3 Referans Kwoze

YAKOƁU 3:16

Mana v̄ahanu v̄ulio uwivu na taɓia ya udziwanilia, v̄av̄o uka musadjadja na kula aina ya taɓia mbi.

TITUSA 3:3

Mana wasi wajau, mara ya handra rika wajinga, wakaidi, wapotevu, warumwa wa piya zinamuna za ngushauku na za masterehi. Rakoẽshi hari mwa upeu na uwivu, rika wafudhuli, tsena rakoengana.

MAGALATWIYA 5:15

Ɓadi neka musuremana manyo na uɗyana, namufahamu, musuje mwaangamidziwa wanyu na wanyu.

2 MAKORINTIYO 12:20

Mana nisuria amba namowaswili, tsitsomuparani namuna natsotsaha, na wanyu tsena kamutsonipara namuna mwatsotsaha. Nisuria wami upara umani, uwivu, hasera, mitsapushiano, zilihidzo, marongo nnayi, udziɓua na fidjo.

1 MAKORINTIYO 11:18

Raɓuzi, tsikia amba iDjama Ndziwaminifu yamongulidzana, uka mifaraka hari mwanyu, na ha uv̄andre nisuamini.

1 MAKORINTIYO 1:11

Mana wananyangu, tsipara haɓari zamuhusuni ha watru wa umuraɓa wa Kloyi, amba v̄wa mitsapushiano hari mwanyu.

MAROMU 13:13

Naridziv̄inge ha namuna yalazimu yastahiki umutsana, ɓila uv̄endzoɗya, wala ulevi, ɓila uzani, wala taɓia kayalazimu, ɓila umani, wala uwivu.

1 MONYE 4:2

ile aẽshi tsi ha zingushauku za wanadamu, ɓadi ha uɗunga yamav̄endzeleo ya Mungu hari mwa uwakati wamuɓakia aẽshi hari mwa umwili.

1 MAKORINTIYO 1:10

Nisumutriani ɓari wananyangu, ha lidzina la Raɓi watru Insa-Kristi, namusike piyanyu urongozi moja, v̄usuke mitsapushiano hari mwa wanyu, ɓadi mutsanganisihe, muke fikira moja na nia moja.

1 MAKORINTIYO 3:4

Moja amorongoa: «Wami wa Ɓaulusu», na wangina: «Wami wa Aɓulusu», hali v̄av̄o kamusi shiuɓinadamu?