1 MAKORINTIYO 3:23 - Ha`bari Ndjema ya I Maore

²³ ɓadi wanyu wa Kristi, na Kristi wa Mungu.

1 MAKORINTIYO 3:23 Referans Kwoze

MAGALATWIYA 3:29

Na neka wanyu wa Kristi, v̄av̄o mwa zilembwe za Iɓrahima, tsena mwa mawarithi ha uɗunga uwahadi.

1 MAKORINTIYO 15:23

Ɓadi kula mutru atsoregezewa hayi ha wakati wahe: imimba ya handra ya uregezewa hayi ɗe Kristi, yaɗunga ɗe wao walio wa Kristi wakati atsov̄enuhao.

1 MAKORINTIYO 11:3

Ɓadi nisutsaha mujuwe amba shitswa wa kula mutruɓaɓa ɗe Kristi, shitswa wa mutrumushe ɗe mutrumume, na shitswa wa Kristi ɗe Mungu.

YUHANI 17:18

Mauri ɗe inamuna waniv̄eleha hari mwa ulemengu, tsiwav̄eleha wajau hari mwa ulemengu.

2 MAKORINTIYO 10:7

Wanyu musuangalia zitrongo ha inamuna muzionao. Neka mutru ayakinisha amba waye wa Kristi, nakuɓali wajau zini: neka waye wa Kristi, wasi wajau.

MAROMU 14:8

Mana neka risuẽshi, v̄av̄o risuẽshi ha isifa ya Mola, na neka risufa, risufa ha isifa ya Mola. Ɓasi neka risuẽshi, au risufa, wasi wa Mola.

YUHANI 17:21

ile pare piyawo wake shitru moja, mauri ɗe wawe, Ɓaɓa, namuna ulio moni hangu, na namuna wami nilio moni haho, v̄av̄o wao wajau nawake hari mwa uv̄umoja watru, ile ulemengu uamini amba univ̄eleha.

MAGALATWIYA 5:24

Ɓadi wao walio wa Kristi-Insa waangamidza ushiuɓinadamu na mav̄endzeleo yayo na ngushauku zayo.

1 MAKORINTIYO 8:6

ɓadi hatruju v̄wa Mungu moja tu, Ɓaɓa alio amba zitru piya ulawa haheju, na ha waye ɗe rilio; na Raɓi moja, Insa-Kristi, alio amba ha ndzia yahe ɗe piya zilio, na ha ndzia yahe tsena ɗe rilio.

1 MAKORINTIYO 7:22

Mana umurumwa ahiriwa na Raɓi, waye mwendza unafasi wa Raɓi; ɗe namuna iyo tsena, umwendza unafasi ahiriwa, waye murumwa wa Kristi.

MAEFESO 1:10

ile auhidjirise wakati wamopara: ɗe utsanganisa piya, rangu zilio mbinguni ata za shiv̄andreju mwa tsi, zike utsini na Kristi, Shitswa wazo.

MATIYO 17:5

V̄ale raha akorongoa trongo zile, ne v̄uwashukia vingu lakovaga, liwav̄ishidza. Na sa ile v̄ukilihana ji lalawa vinguni v̄ale, larongoa: «Unu ɗe uMwana muv̄endzewa wangu, tsena wami ujiv̄iwa halisi na waye; namumuvulishiye!»

1 MAKORINTIYO 15:28

Na wakati itsokao amba piya zitrilwa utsini mwaye, v̄av̄o uMwana waye-waye atsodzitria utsini na Uwo amutrilia piya utsini, ile waye Mungu ake ɗe piya ha piya.