1 MAKORINTIYO 2:9 - Ha`bari Ndjema ya I Maore

⁹ Ɓadi mauri ɗe iheli yaangihwa moni na uMuangishio Mutwaharifu: «Trongo zilio amba dzitso kalaziona, kio kalazikia, wala kazangia hari mwa umo wa mwanadamu, trongo zilio amba Mungu azitayarishia wao wamuv̄endzao.»

1 MAKORINTIYO 2:9 Referans Kwoze

YAKOƁU 1:12

Aɓarikishiha monyewe ustahamili mudjereɓio, mana ɓaanda itsokao amba adjereɓiwa, atsopara ihishima ya uhayati yatolewa wahadi na Mungu ha wao wamuv̄endzao.

MAROMU 8:28

Ha namuna yotsi wasi risujua amba trongo piya urendreha ha uwema wa wao wamuv̄endzao Mungu, wahiriwa ulingana na ikusudi yahe.

YAKOƁU 2:5

Namuvulishiye wananya wa shi uaminifu wav̄endzewa wangu: afa Mungu katsahua wao walio masikini mbeli za ulemengu, amba waka matadjiri hari mwa uaminifu, tsena mawarithi wa utawalizi autolea wahadi ha wao wamuv̄endzao?

MAHEƁRANIYA 11:16

Ɓadi hususwani wakotsaha v̄ahanu v̄ulio ɓorwa, yaãni v̄wa shipev̄oni. Iyo ɗe imana ata Mungu kaono haya uhiriwa Mungu wawo, mana awatayarishia ɗago.

MATIYO 25:34

Amwesa umufalume atsoambia wao watsokao humeni hahe: ‹Namuje wanyu mulio uwaɓarikishiwa wa Ɓaɓangu, muwarithi Utawalizi mwatayarishiwawo rangu lidunia uumbwa yalo.

1 YUHANI 4:19

Na wasi risuv̄endza, mana waye ariv̄endze kadimu.

YUHANI 3:16

«Mana Mungu av̄endze uulemengu, ata av̄a uMwana moja-moja wahe, ile pare kula amuaminio asupare uangamifu wa dahari, ɓadi akane uhayati mukamilifu wa daima.

1 MONYE 1:12

Wav̄enuliwa amba kawakodzirumishia wenyewe ɓadi wanyu hari mwa trongo zizo, zilio amba av̄asa mujudziwazo na wao wamutekelezeani iHaɓari Ndjema ha iRoho Ndzitwaharifu yav̄elehwa ulawa pev̄oni, trongo zilio amba ata zimalayika, ne zatsov̄endza zizielewe.

MATIYO 20:23

Awadjiɓu: «Kweli amba mutsonwa shikombe yangu, ɓadi ya mutru uketsi humeni au potroni hangu, iyo tsi ãmuri yangu. Maɓandza yao, ya wao Ɓaɓangu awarengeledzea.»