1 MAKORINTIYO 2:10 - Ha`bari Ndjema ya I Maore

¹⁰ Ne ɗe Mungu ariv̄enushiazo wasi ha iRoho. Mana iRoho utunda piya, ata zilio hari mwa zilindri zahe Mungu.

1 MAKORINTIYO 2:10 Referans Kwoze

YUHANI 14:26

Ɓadi uMusaidizi, ne ɗe iRoho Ndzitwaharifu Ɓaɓa atsomuv̄elehao ha lidzina langu, atsomufundrisani piya zitrongo, na umunahanidzani piya izo namuambiani.

MAEFESO 3:5

Ãdjaɓu iyo kayaka yajudziwa ha wana wa wanadamu hari mwa yimida yav̄ira, mauri ɗe inamuna yav̄enulwa av̄asa na iRoho ha watwaharifu wahe, yaãni Mav̄ingizi-Risala na wao wajudzao marongozi ya shi mutrume washukidziwawo,

LUKASI 10:21

Sa ile kamwe Insa afurahishiwa na iRoho Ndzitwaharifu, arongoa: «Nisuhutukuza Ɓaɓa, Mola wa uwingu na ishiv̄andre ya tsi, iv̄o wadzamisa trongo zizo ha uwendza hikima na ha uwendza ãkili, waziv̄enua ha uwatiti. Ewa, Ɓaɓa, nisuhutukuza mana uv̄endze zike namuna iyo.

MAEFESO 3:3

Ɗe ha muv̄enulio ɗe najudziwa iãdjaɓu, mauri ɗe inamuna naiangiha ha wana harufu.

MAGALATWIYA 1:12

Mana tsaipara ha mwanadamu, wala tsasomedzewayo na mwanadamu, ɓadi Insa-Kristi ɗe aniv̄enuliayo.

MATIYO 16:17

Insa amuambia: «Uɓarikishiha, Simoni, mwana wa Yunusa! Mana tsi mwanadamu nyama-nyama ɗe ahuv̄enulia trongo iyo, ɓadi ɗe Ɓaɓangu alio mbinguni.

MATIYO 13:11

Insa awadjiɓu: «Mana wanyu mudjaãliwa ujua zisiri za Utawalizi wa Monyewe ziMbingu, ɓadi wao kawadjaãliwayo.

YUHANI 16:13

Ɓadi wakati itsokao amba aja, waye iRoho ya ukweli, atsomuv̄ingani hari mwa piya ukweli, mana katsorongoa ha iwaye yahe, ɓadi atsorongoa izo azikia, amwesa atsomujudzani trongo zijao.

1 MONYE 1:12

Wav̄enuliwa amba kawakodzirumishia wenyewe ɓadi wanyu hari mwa trongo zizo, zilio amba av̄asa mujudziwazo na wao wamutekelezeani iHaɓari Ndjema ha iRoho Ndzitwaharifu yav̄elehwa ulawa pev̄oni, trongo zilio amba ata zimalayika, ne zatsov̄endza zizielewe.

1 YUHANI 2:27

Yahusu wanyu, umudjukumisio mwaupara ulawa hahe, nauɓaki moni hanyu, tsena tsi paka mutru amusomedzeni; ɓadi rangu umudjukumisio wahe usumusomedzani zitrongo piya, na uwo kweli, wala tsi trambo, namuɓaki hari mwa uv̄umoja na waye, mauri ɗe inamuna uwo wamusomedzani.

1 MAKORINTIYO 2:11

Ɓasi mbani hari mwa uwanadamu ajuao zahusu mwanadamu, neka tsi ɗe iroho ilio moni hahe? Ɗe ha inamuna iyo wajau, kav̄u ajuao zahusu Mungu, neka tsi ɗe iRoho ya Mungu.

1 YUHANI 2:20

Ɓadi wanyu mudjukumisiwa na uMutwaharifu, tsena piyanyu muna ujuzi.

1 MAKORINTIYO 14:30

Na neka v̄wa wangina v̄ale av̄enuliwa trongo, wa handra ule naɓurihe.

LUKASI 2:26

Aka av̄enushiwa na iRoho Ndzitwaharifu amba katsofariki raha kamuona uMutsahuliwa wa Mola.

MUV̄ENULIO 1:1

Shio ini isuv̄inga umuv̄enulio ha Insa-Kristi, ulio amba Mungu amuv̄a aonese warumishi wahe izo zijao zihidjiri tsi hale. Aujudza ha ndzia ya malayika yahe aiv̄eleha ha murumishi wahe Yuhani,

1 TIMUTAUSU 4:1

Na iRoho isurongoa dhwahiri amba hari mwa lidunia la mwiso, ɓaãdhwi watsoɓauha uaminifu, wadzifungamanise na roho ndzidangamanyifu na misomo ya shiushetwani

MUV̄ENULIO 2:24

Ɓadi yahusu wanyu piya wangina wa shi Tiyatira kamwaɗunga musomo uwo, wala kamwaparojua ‹zilindri za Shetwani›, mauri ɗe inamuna warongoao, ɓasi nisurongoa amba tsisumutrihisani mudzo wangina.