1 MAKORINTIYO 16:6 - Ha`bari Ndjema ya I Maore

⁶ Ukiri uka amba nitsoɓaki hanyu, au ata niv̄itse wakati wa ɓaridi, ile munisaidi na iyo yanilazimu pare niendreleye na musafara wangu, v̄ahali yotsi nitsendrao.

1 MAKORINTIYO 16:6 Referans Kwoze

MAV̄INGIZI-RISALA 15:3

Ɓas, wav̄elehwa na iDjama Ndziwaminifu, wav̄iria iFonikiya na Samariya ha ujudza umuzingio wa roho wa zinishani zangina, ata wafurahisha halisi piya uwananya wa shi uaminifu.

MAROMU 15:24

nisutumainia nimuoneni wakati nitsokao hari mwa musafara wa uendra Espanya. Tsina tama ya uv̄ira nimuoneni, nipare musada wanyu wa wami uendrelea na umusafara, ɓaanda nitsojiv̄iwao v̄umoja na wanyu hari mwa mwana muda.

TITUSA 3:12

Wakati nitsohuv̄elesheao Artemasu au Tihikusa, fanya haraka uje unipare Nikopolisa, mana v̄av̄o ɗe v̄ahali naãzimia niv̄itse uwakati wa ɓaridi.

2 MAKORINTIYO 1:16

Tsika tsihetsi niv̄ire hanyu namwendra Makadoniya, amwesa namolawa oho, niregeye hanyu, ile munirengeledzeye umusafara wa uendra Yudeya.

1 MAKORINTIYO 16:11

Ɓasi v̄wasuke ata mutru amudharau. Namumuendrese ha usalama umusafara wahe ata aje anipare, mana nisumulindra v̄umoja na uwananya waaminifu.

MAV̄INGIZI-RISALA 28:11

Ɓaanda ya mezi miraru, ripashia djahazi ya shi Aleksandriya laka lav̄itsa uwakati wa ɓaridi shisiwani v̄ale, lakana ãlama ya Miungu ya Mbiliju.

MAV̄INGIZI-RISALA 27:12

Ha iv̄o iɓandari ile kayaka ndjema ya uv̄itsa wakati wa ɓaridi, wengini mwawo waono afudhwali walawe v̄ale, ile neka iyo trongo mukinishiha, wawaswili Fonikiya, ɓandari ya ishisiwa ya Kreti yakaɓili swihilini mwa jua la utswa, na kiɓulani mwa jua la utswa, pare wav̄itse wakati wa ɓaridi hule.

MAV̄INGIZI-RISALA 21:5

Ɓadi suku saɓa ukoma yazo, rirenge indzia raha, rilawa. Wariɗungu piyawo, v̄umoja na uwatruwashe na uwana, ata v̄ondze na liɗago. Rivundzu malondro tsandzaleni, rifanya mamilio.

MAV̄INGIZI-RISALA 20:38

Wakoremwa na hamu hususwani na itrongo aka airongoa amba kawatsoona tsena isura yahe. Amwesa wamuɗungu ata djahazini.

MAV̄INGIZI-RISALA 17:15

Watru waka waɗungana na Ɓaulusu wamuv̄ingi ata mupaka Atheni, amwesa warudi na iãmuri amba Silasi na Timutausu wandre wamupare ha uharaka.