1 MAKORINTIYO 16:16 - Ha`bari Ndjema ya I Maore

¹⁶ Ɓasi namutuĩ watru mauri ɗe wao, na piya warengao fuvu hari mwa ihazi, wadzirumao ha siɓaɓu ya wiyo.

1 MAKORINTIYO 16:16 Referans Kwoze

MAHEƁRANIYA 13:17

Namutuĩ wav̄ingizi wanyu, tsena muke watuĩvu mbeli zawo: wao utsunga roho zanyu, ha ujua amba watsoyeleha mbeli za Mungu urumishi wawo. Ɓasi namufanye namuna amba wao watsoshindra warumishiye ha furaha, wala tsi ha unguruma, trongo ilio amba kaitsomufayidishani.

1 MATESALONIKA 5:12

Ɓasi wananya wa shi uaminifu, risumumiani, mustehi wao wadzirumao mengoni mwanyu, wamuv̄ingaoni hari mwa uv̄umoja wa Raɓi na umutahadharishani.

3 YUHANI 1:8

Ɓasi v̄av̄o wasi rilazimu rirenge ha uzuri watru mauri ɗe wao, ile rike washangirizi na wao hari mwa uendresa mbeli ikweli.

MUV̄ENULIO 2:3

Wawe mustahamilivu, uondesheha ha siɓaɓu ya lidzina langu, tsena kwapuha ɓari.

1 MONYE 5:5

Wanyu wajau mashaɓaɓi, namudzituĩse ha uwaɓole. Piyanyu hari mwa maendreleo yanyu wanyu na wanyu, namudziɓangise uwekevu, mana v̄uangihwa: «Mungu waye kinyume na wao wadzionao, ɓadi waye udjaãlia urehema wahe ha waekevu.»

MAHEƁRANIYA 6:10

Mana Mungu tsi mudhuluma amba aɗele urumishi wanyu, wala uv̄endza mwauv̄enua ha siɓaɓu ya dzina lahe ha urumishia watwaharifu, tsena ata av̄asa.

1 TIMUTAUSU 5:17

Ɓasi uwaɓole waendresao ha uzuri iDjama Ndziwaminifu, nawaonehane amba wazidi ustahiki sheo, hususwani ɗe wao wadzirumao hari mwa mujudzio wa Urongozi na musomo.

1 MATESALONIKA 2:9

Kweli amba musunahana, wananya wa shi uaminifu, ihazi na usongefu rakanawo; rakodziruma uku na mutsana, ile rasuke djukumani ha mutru atsokao yotsi hari mwanyu, mulio amba rimutekelezeani iIndjili ya Mungu.

1 MATESALONIKA 1:3

Wasi unahana kula sa mbeli za Mungu watru amma Ɓaɓa zitrendro za uaminifu wanyu, urumwa wa uv̄endza yanyu, na uhodarifu wa itama mulionayo na Raɓi watru Insa-Kristi.

MAFILIPI 4:3

Na wawe wajau munyangu muaminifu, nisuhumia usaidi wananyatru watruwashe wao walio amba wawania iIndjili v̄umoja na wami, na v̄umoja na Klementusu na washangirizi wangu wasalia, walio amba madzina yawo ya moni na ishio ya uhayati.

MAEFESO 5:21

Kula moja hari mwanyu nadzihetsi tayari ya utuĩ munyahe ha mastaha mulionawo na Kristi.

1 MAKORINTIYO 12:28

Na hari mwa iDjama Ndziwaminifu, Mungu ahetsi handrani Mav̄ingizi-Risala, ya v̄ili watru wajudzao marongozi washukidziwawo, ya raru watru wasomedzao. Yaɗunga ineema ya ufanya midjuza, amwesa ya uzihira, ya usaidi, ya uv̄inga, na ulagua tafauti za luha zashukidziwa.

1 MAKORINTIYO 3:9

Mana wasi washangirizi wa Mungu rifanyao hazi v̄umoja na waye; wanyu ɗe lishamba la Mungu, amma ɗe umuundrio wa Mungu.

MAROMU 16:12

Namuwasalimu Trifina na Trifusa, watruwashe wadziruma hari mwa urumishi wa Raɓi. Namusalimu muv̄endzewa Ɓerisi, ɓweni adziruma ha kusudi ha umurumishia Raɓi.

MAROMU 16:9

Namumusalimu Uruɓayinusa alio v̄umoja na wasi ha umurumishia Kristi, na Stahisa, mwandzani wa roho wangu.

MAROMU 16:6

Namumusalimu Mariama, adzirumu ha kusudi ha faida yanyu.

MAROMU 16:3

Namusalimu Priskila na Akila walio v̄umoja na wami ha umurumishia Kristi-Insa.

MAHEƁRANIYA 13:24

Namusalimu piya wav̄ingizi wanyu v̄umoja na piya watwaharifu. Wananya wa Italiya wasumusalimuni.