1 MAKORINTIYO 16:15 - Ha`bari Ndjema ya I Maore

¹⁵ Sariɓu langina tsena wananyangu: musujua amba umuraɓa wa Stefanasi, uwo ɗe wa handra waamini hari mwa umukaɓala wa Akaya, tsena wadzihetsi amba wasurumishia idjama ya waaminifu.

1 MAKORINTIYO 16:15 Referans Kwoze

1 MAKORINTIYO 1:16

Ayi, v̄ale tsiɓaĩsha tsena umuraɓa wa Stefanasi. Ɓaanda ya v̄av̄o tsisufahamu neka tsiɓaĩsha mutru wangina.

MAROMU 16:5

Namusalimu tsena iDjama Ndziwaminifu ingulidzanao ɗagoni hawo. Namumusalimu Aɓainitusa mwandzani wa roho wangu, alio wa handra umuamini Kristi hari mwa liɓavu la Aziya.

1 MONYE 4:10

Kula mutru narumiye ha wanyahe ineema adjaãliwayo; v̄av̄o mutsoka warumishi wema wa urehema wa namuna ha namuna wa Mungu.

2 MAKORINTIYO 9:1

Hari mwa yahusu umusada mbeli za uwatwaharifu, kaisina ata mana ya wami umuangishiani.

2 MAKORINTIYO 8:4

Warirayi ha kusudi amba warenge fuvu hari mwa ineema ya urumishi wa utolea musada uwatwaharifu.

MAROMU 16:2

ile mumurenge ha lidzina la Raɓi, namuna ilio amba istahiki watwaharifu. Namumusaidiye hari mwa kula trongo ilio amba atsotsaha musada wanyu. Mana waye asaidi wengi, ata wami ne anisaidi.

MAROMU 15:25

Ɓadi v̄anu nisendra Yerusalemu, nav̄e musada waaminifu.

MAROMU 12:13

Namusaidiye wanyanyu waaminifu na zingusongefu zawo, muke na djitihadi ya ukariɓisa.

MUV̄ENULIO 14:4

Wao ɗe walio amba kawadzitria tsama na watruwashe, mana wana ɓikira. Wasuɗunga uMwana Ɓariɓari kula v̄ahali andrao. Wakombolwa hari mwa uwanadamu wake madzazi ya handra wa Mungu na wa uMwana Ɓariɓari.

MAHEƁRANIYA 6:10

Mana Mungu tsi mudhuluma amba aɗele urumishi wanyu, wala uv̄endza mwauv̄enua ha siɓaɓu ya dzina lahe ha urumishia watwaharifu, tsena ata av̄asa.

FILIMUNA 1:7

Kweli amba tsipara furaha ɓole v̄umoja na mutrilio-ɓari ha siɓaɓu ya uv̄endza waho, mana ha wawe mwananyangu wa shi uaminifu, ziroho za uwatwaharifu zirutuɓishiha.

1 TIMUTAUSU 5:10

narongoleshehe ha zitrendro ndjema zahe, amba alele wana wahe ha uzuri, akokariɓisa, akohosa yimindru ya uwatwaharifu, akosaidi wendza taãɓu, na uendrelea na kula shitrendro ndjema.

1 MAKORINTIYO 16:17

Nisujiv̄iwa na umujilio wa Stefanasi, wa Fortunatusa, na wa Akayikusa. Warenge ɓandza lanyu iv̄o kamwaka.

MAROMU 15:31

ile pare nipukamanisihe na watru tsi waaminifu walio Yudeya, na urumwa wangu Yerusalemu ukuɓalishihe na waaminifu.

MAV̄INGIZI-RISALA 18:12

Wakati Galiyo aka ahetsiwa muɓole wa liɓavu la Akaya, yaMayahudi ha nia moja wahimi kinyume na Ɓaulusu, wamuv̄ingi hari mwa lipa la mahakama

1 MAKORINTIYO 16:1

Yahusu umutsango wa waaminifu, namufanye wajau mauri ɗe inamuna naambia ziDjama Ndziwaminifu za Galatwiya.