1 MAKORINTIYO 15:54 - Ha`bari Ndjema ya I Maore

⁵⁴ Wakati itsokao amba ndziangamia ipindri itsindziangamia, na ndzifa ipindri itsindzifa, v̄av̄o urongozi wa uMuangishio Mutwaharifu unu utsotsimidziha: «Ufa uzimwa hatwi na ushindrifu mukamilifu.»

1 MAKORINTIYO 15:54 Referans Kwoze

MUV̄ENULIO 20:14

Amwesa ufa na Uzimu wa wafu zivutswa moni na lidzaha la moro. Uwo ɗe ufa wa v̄ili, lidzaha la moro.

MUV̄ENULIO 21:4

Atsov̄angua kula tsozi matsoni hawo; ufa kautsoka tsena, wala kav̄utsoka tsena musiɓa, ɓila shililo, wala utungu, mana trongo za handra ziv̄iri.»

LUKASI 20:36

Tsi trongo mukinishiha wao ufa tsena, mana watsoka mauri ɗe zimalayika, amwesa watsoka wana wa Mungu, iv̄o watsokao wana wa umuregezeo hayi.

2 MAKORINTIYO 4:11

Mana wasi rilio hayi, ha daima risuv̄elehwa hari mwa hatwari ya ufa ha siɓaɓu ya Insa, pare uhayati wa Insa wajau uv̄enuhe hari mwa umwili mufa watru.

MAROMU 2:7

uhayati mukamilifu wa daima ha watru walio amba ha idjitihadi yawo ya ufanya ndjema, wasutsaha utukufu, hishima na uhayati wa daima.

2 MATESALONIKA 1:10

wakati isuku iyo atsojao atukuziwe ha watwaharifu wahe, na usifiwa ha piya wao itsokao amba waamini. Na wanyu wajau mutsoka, mana muamini ushahidifu watru.

MAROMU 8:11

Na neka iRoho ya Ule amuregeza Insa hayi ulawa ha uwafu isuẽshi moni hanyu, v̄av̄o waye-waye amuregeza hayi Kristi-Insa ulawa ha uwafu, atsoẽshisa wajau yimili mufa yanyu, ha ndzia ya iRoho yahe iẽshio moni hanyu.

MAROMU 6:12

Ɓasi musulishe dhambi latawalia yimili yanyu yitsofao, mwatuĩ zingushauku zayo.

MAROMU 1:23

Amwesa wagaudza utukufu wa Mungu kafu ha masanamwe mufano wa mwanadamu mufa, wa nyunyi, wa zinyama za mindru minne, na zirambao.

2 MAKORINTIYO 5:4

Ɓaanda rilio hari mwa liɓanga la haima la shi ulemenguni lini, risuulula ha udziro wa umudzo rautrika, wala tsi amba risutsaha ritsulwewo, ɓadi ripindrisiwe inyumba ya pev̄oni ile, pare ile ilio mufa, imedzwe na uhayati.