1 MAKORINTIYO 15:4 - Ha`bari Ndjema ya I Maore

⁴ Tsena aka adzihwa, ata isuku ya raru aregezewa hayi, mauri ɗe iheli yiMiangishio Mitwaharifu yarongoa.

1 MAKORINTIYO 15:4 Referans Kwoze

MATIYO 12:40

Mana mauri ɗe inamuna Yunusa aɓaki moni na mimba ya fi muda wa suku traru, mauku na yimitsana, ɗe inamuna uMwana wa Mwanadamu atsokao wajau moni na ishiv̄andre ya tsi muda wa suku traru, mauku na yimitsana.

MAHEƁRANIYA 13:20

Ɓasi Mungu wa iamani alio amba ha idamu ya mukataɓa wa daima aregeza hayi ha uwafu uMutsunga-maɓariɓari muɓole, ne ɗe Raɓi watru Insa,

MAROMU 6:4

Hari mwa umuɓaĩsho|uɓaĩsha wa ufa uwo, v̄av̄o ridzihwa v̄umoja na waye, ile pare mauri ɗe inamuna Kristi aregezewa hayi ha ulawa hari mwa ufa ha utukufu wa Ɓaɓa, wasi wajau rikane maendreleo ya uhayati muv̄ia.

LUKASI 24:46

Awaambia raha: «Tsizini zaangihwa: Kristi ilazimu aondeshehe, amwesa aregezewe hayi ha ulawa ufaju isuku ya raru.

LUKASI 24:26

Hali kayaka yalazimu Kristi aondesheha na trongo zizo, iv̄o angia hari mwa utukufu wahe?»

LUKASI 9:22

Aengedza tsena: «Ilazimu uMwana wa Mwanadamu aondeshehe na trongo nyengi, aharwe na uwatru waɓole, yaMatolezi Maɓole ya Masadaka na yaMafundi ya Sharia, aulawe, ata isuku ya raru aregezewe hayi.»

MAKOLOSIYA 2:12

Mudzihwa v̄umoja na waye ha umuɓaĩsho|uɓaĩsha, na hari mwa uv̄umoja na waye, muregezewa hayi na waye raha ha uaminifu na ushindzi wa Mungu, alio amba amuregeza hayi ulawa ha uwafu.

MAV̄INGIZI-RISALA 17:31

Mana alishi suku amba atsohukumu lidunia ha haki, ha mutru amuhetsi. Atowo ushahidi ha watru piya ha iv̄o amuregeza hayi ha ulawa ufa.»

MAV̄INGIZI-RISALA 1:3

Ɓaanda aondesheha, awaonesa ha udhiɓitifu mwengi amba a hayi. Awav̄enushia hari mwa muda wa suku aruɓaini, na urongoa trongo zapatana na uUtawalizi wa Mungu.

MARKUSI 9:31

Mana akosomedza maswihaɓa yahe na uwaambia: «uMwana wa Mwanadamu atsov̄elehwa mihononi ha wanadamu; watsomuula, amwesa v̄wamov̄ira suku traru, atsoregea hayi.»

MATIYO 20:19

wamuv̄elehe mihononi ha watru kawamuji Mungu, ilio amba watsomushekedza, wamuv̄ondre, amwesa wamuule ha umurema mizumari hari mwa muri wa pawa. Ata isuku ya raru, atsoregezewa hayi.»

MATIYO 16:21

Rangu v̄ale Insa aandrisa ujudza maswihaɓa yahe amba alazimu andre Yerusalemu, aondeshehe ha kusudi mihononi ha uwaɓole, ha yaMatolezi Maɓole ya Masadaka|Mutolezi-Masadaka, na ha yaMafundi ya Sharia, aulawe, na uregea hayi isuku ya raru.

1 MONYE 1:11

Wakozunguha wajuwe amba wakati trini, na ha namuna jeje zitsohidjirio zitrongo zarongolwa na iRoho ya Kristi yaka hawoju, Roho ilio amba ijudza rangu kaɓula matungu ya Kristi na utukufu wakoja uɗunge v̄av̄o.

YUHANI 19:38

Ɓaanda ya v̄av̄o Yusufu wa shi Arimatiya, aka swihaɓa la Insa sirini iv̄o akoria yaMayahudi, amumia Ɓilatusa ruhusa ya urenga imaiti ya Insa. Na Ɓilatusa akuɓali. Ɓas, andre arenge imaiti ya Insa.