1 MAKORINTIYO 15:36 - Ha`bari Ndjema ya I Maore

³⁶ Wawe ɗaɓa halisi! Shitru uitaɓuo, iyo kaiji uka hayi neka kayafa raɓuzi.

1 MAKORINTIYO 15:36 Referans Kwoze

YUHANI 12:24

Kweli, nisumuambiani ha kweli, neka mbia yapuliha trotroju kayafa, iyo uɓaki mbia moja tu. Ɓadi neka ifu, iyo uv̄inga mavuna mengi.

LUKASI 11:40

Wanyu wajinga halisi! Afa uwo afanya iv̄ondze, tsi ɗe afanya imoni mwa?

MAEFESO 5:15

Namutunde ha uzuri ɓasi maendreleo yanyu: yasuke mauri ya magedze, ɓadi yake mauri ya wendza hikima.

MAROMU 1:22

Wasudzirendra wendza ãkili, ne wafanyiha wajinga.

LUKASI 24:25

Sa ile Insa awaambia: «He wanyu kamuna ãkili muliona roho ndziro za uamini piya izo zarongolwa na yimitrume!

LUKASI 12:20

Ɓadi Mungu amuambia: ‹Wa mujinga! Uku v̄anu kamwe na iroho yaho utsotsahwayo. Ɓas izo wazigamisa, zitsoka za mbani?›

1 MAKORINTIYO 15:37

Na shitru uitaɓuo, tsi ɗe umwili wa ishimea ijao, ɓadi mbia tu ɓasi, ukiri ka mbia ya murama-mutsa, au ya shitru yangina.

YAKOƁU 2:20

Usutsaha udhiɓitifu, wawe shiumbe ndzijinga, amba uaminifu kawaɗungwa na zitrendro, uwo kauna mana?