1 MAKORINTIYO 15:23 - Ha`bari Ndjema ya I Maore

²³ Ɓadi kula mutru atsoregezewa hayi ha wakati wahe: imimba ya handra ya uregezewa hayi ɗe Kristi, yaɗunga ɗe wao walio wa Kristi wakati atsov̄enuhao.

1 MAKORINTIYO 15:23 Referans Kwoze

MAGALATWIYA 3:29

Na neka wanyu wa Kristi, v̄av̄o mwa zilembwe za Iɓrahima, tsena mwa mawarithi ha uɗunga uwahadi.

1 MAKORINTIYO 15:52

hari mwa sa moja, sa ya uv̄ena, liɓaragumu la mwiso lamovudziwa. Mana litsovuma, na uwafu watsoregezewa hayi wake kawaji ufa tsena, na wasi, wasi ritsogaudziwa.

1 MAKORINTIYO 15:20

Ɓadi kweli amba Kristi aregezewa hayi ulawa ufaju, waye ɗe udzazi wa handra hari mwa wao wafa.

2 MAKORINTIYO 10:7

Wanyu musuangalia zitrongo ha inamuna muzionao. Neka mutru ayakinisha amba waye wa Kristi, nakuɓali wajau zini: neka waye wa Kristi, wasi wajau.

1 MATESALONIKA 2:19

Mana ha yakini mbani ɗe tama yatru, furaha yatru, na hishima ritsodziɓuao nayo mbeli za Raɓi watru Insa wakati wa mujilio wahe? Hali tsi ɗe wanyu?

MAGALATWIYA 5:24

Ɓadi wao walio wa Kristi-Insa waangamidza ushiuɓinadamu na mav̄endzeleo yayo na ngushauku zayo.

1 MAKORINTIYO 3:23

ɓadi wanyu wa Kristi, na Kristi wa Mungu.

MATIYO 16:27

Mana uMwana wa Mwanadamu|Mwana wa Mwanadamu atsoja hari mwa utukufu wa Ɓaɓahe v̄umoja na zimalayika zahe; wakati uwo, atsoliv̄a kula mutru ulawana na zitrendro zahe.

MATIYO 16:28

Nisumuambiani ha kweli, ɓaãdhwi ya wanu walio v̄anu, kawatsofa raha kawaona uMwana wa Mwanadamu iv̄o ajao hari mwa ufalume wahe.»

MAV̄INGIZI-RISALA 26:23

ne ɗe amba uMutsahuliwa atsoondesheha, atsoka ɗe wa handra atsoregezewao hayi ha ulawa ufaju, amwesa amba atsotrangaza iheu ha umati [wa Israila], na ha zinishani zangina.»

1 MAKORINTIYO 6:14

Ɓasi Mungu amuregeza hayi Raɓi ulawa ufaju, atsoriregeza hayi ulawa ufaju wasi wajau, ha ushindzi wahe.

MAFILIPI 3:11

ile neka trongo mukinishiha, niwaswili hari mwa umuregezeo hayi ulawa ha wao wafa.

MUV̄ENULIO 1:5

na ulawa ha Insa-Kristi, ushahidi muaminifu, udzazi wa handra wa uwafu, amma shitswa wa wafalume shiv̄andreju mwa tsi. Ha Uwo ariv̄endzao, arikomboa hari mwa madhambi yatru ha idamu yahe,