1 MAKORINTIYO 15:17 - Ha`bari Ndjema ya I Maore

¹⁷ Na neka Kristi karegezewa hayi, v̄av̄o uaminifu wanyu kausina tanafu, tsena raha mwa hari mwa madhambi yanyu.

1 MAKORINTIYO 15:17 Referans Kwoze

MAROMU 4:25

alio amba av̄elehwa aulawe ha siɓaɓu ya maãswi yatru, tsena aregezewa hayi ile rihakishihe mbeli za Mungu.

1 MONYE 1:3

Naɓarikishihe Mungu amma Ɓaɓa wa Raɓi watru Insa-Kristi, alio amba ha urehema muɓole wahe, ariv̄a uhayati muv̄ia ha umuregezeo hayi wa Insa-Kristi ulawa ha uwafu, ile rikane tama ilio hayi,

1 MAKORINTIYO 15:14

Na neka Kristi karegezewa hayi, ɓasi maĩdhwa yatru kayasina tanafu, na uaminifu wanyu wajau kausina tanafu.

1 MONYE 1:21

mulio amba ha ndzia yahe, musumuamini Mungu, waye amuregeza hayi ulawa ha uwafu, amwesa amuv̄a utukufu, ha namuna amba uaminifu wanyu na itama yanyu za ha Mungu.

MAROMU 5:10

Mana neka amba wakati raha raka maãduwi wa Mungu, riparanisiwa na waye ha ndzia ya ufa wa uMwana wahe, ɓasi izidi urahara amba iv̄o raparanisiwa, ritsohuyiwa ha uhayi wahe.

1 MAKORINTIYO 15:2

na ha wiyo tsena muna uhuyifu, neka musuisika mauri ɗe iheli namujudzaniyo. Neka tsi ɗe namuna iyo, itsoka amba v̄av̄o muamini ɓila tanafu itsokao yotsi.

MAV̄INGIZI-RISALA 5:31

Mungu amuhedza humeni hahe ake ɗe uMushangirizi amma uMuhuyifu, ile av̄e iIsraila indzia ya uendra toɓa, na umuswamaha wa yamadhambi.

1 MAKORINTIYO 15:16

Kweli amba neka wafu kawasuregezewa hayi, v̄av̄o Kristi wajau karegezewa hayi.