1 MAKORINTIYO 15:10 - Ha`bari Ndjema ya I Maore

¹⁰ Ɓadi ha irehema ya Mungu, tsa namuna nilio, na irehema yahe iyo hanguju kaisi amba kaina mana. Ɗe ikinyume, tsidzirumu zaidi ya wao piya, wala tsi wami, ɓadi ɗe irehema ya Mungu ilio hanguju.

1 MAKORINTIYO 15:10 Referans Kwoze

MAFILIPI 4:13

Kula trongo wami uishindra ha uv̄umoja wangu na uwo aniv̄ao nguvu.

2 MAKORINTIYO 3:5

Ɓila tsi amba ha iwasi yatru ɗe rishindrao ridzihetsiye itsokao yotsi amba yalawa ha wasi wenyewe, ɓadi ushindzi watru ulawa ha Mungu.

MAFILIPI 2:13

Mana Mungu ɗe Monyewe utria moni hanyu iutsaha na iurendra ha ulingana na mav̄endzeleo yahe.

MAGALATWIYA 2:8

Mana Uwo atsonga amba Monye ake Muv̄ingizi-Risala ha yaMayahudi, ɗe anitsongesha wajau nike ha wale tsi Mayahudi.

MAROMU 12:3

Ha ineema nadjaãliwayo, nisuambia kula moja hanyuju: musudzione uju rahana yalazimu, ɓadi kula moja nadzione na ikiasi yalingana na uaminifu Mungu amukadiriawo.

2 MAKORINTIYO 12:11

Tsika tsifanyiha mujinga, na wanyu ɗe mwaka mwanitsongesha. Kweli amba ika ilazimu wanyu ɗe munisifu, mana tsaka muv̄ungufu rahana «mav̄ingizi-risala wahu» wale hari mwa itsokao yotsi, wala ukana wami tsi shitru.

2 MAKORINTIYO 6:1

Rangu rilio washangirizi wa Mungu, risumutriani ɓari mwasurenge ineema mwaipara hahe, mwaifanya shitru tsi yendza mavuna.

1 MAKORINTIYO 4:7

Mana mbani ɗe ahutafautishao? Trini ɗe ulionayo amba kwav̄olwayo? Na neka uv̄olwayo, manatrini udzisifuo mauri kwav̄olwayo?

1 MAKORINTIYO 15:2

na ha wiyo tsena muna uhuyifu, neka musuisika mauri ɗe iheli namujudzaniyo. Neka tsi ɗe namuna iyo, itsoka amba v̄av̄o muamini ɓila tanafu itsokao yotsi.

MAROMU 11:1

Ɓasi v̄anu nisudzisa: Hali v̄av̄o Mungu ajeledza umati wahe? Ata hata! Mana wami-wami mutru wa Israila, shilembwe ya Iɓrahima, wa udjama wa Ɓenyamini.

MATIYO 10:20

Mana wanyu tsi ɗe mutsolaguao, ɓadi iRoho ya Ɓaɓanyu ɗe itsolaguao ha ndzia yanyu.

1 MAKORINTIYO 3:6

Wami tsitaɓu, Aɓulusu atria maji, ɓadi Mungu ɗe ahudzao.

1 MAKORINTIYO 3:10

Ha ineema ya Mungu nadjaãliwayo, tsihedza musingi mauri muundrizi mwendza hikima, na wangina asuundra uju mwawo. Ɓadi kula moja nafahamu na inamuna yahe aundrao uju.

1 MAKORINTIYO 15:11

Ha izo, neka ɗe wami, au ɗe wao, mujudzio watru ɗe uwo, na uwo ɗe mwauamini.

1 MATESALONIKA 5:12

Ɓasi wananya wa shi uaminifu, risumumiani, mustehi wao wadzirumao mengoni mwanyu, wamuv̄ingaoni hari mwa uv̄umoja wa Raɓi na umutahadharishani.

1 TIMUTAUSU 4:10

iKusudi ata ridzirumao na udzisonga ɗe uka amba rihetsi tama yatru ha Mungu alio hayi, Muhuyifu wa piya uwanadamu, hususwani wao waaminio.

MATIYO 25:16

V̄ale kamwe ule aka av̄olwa mapauni matsano andre ayarumishia ata apara matsano yangina.