1 MAKORINTIYO 14:5 - Ha`bari Ndjema ya I Maore

⁵ Ɓasi natsov̄endza piyanyu mulaguwe luha mwashukidziwazo, ɓadi zaidi amba mujudze marongozi ya shi mutrume yashukidziwa. Ule ajudzao marongozi ashukidziwawo, ana faida rahana ule alaguao ha luha zashukidziwa, ɓadi neka v̄wa mutru atafaswirio luha zile, pare iDjama Ndziwaminifu ihodarishihe.

1 MAKORINTIYO 14:5 Referans Kwoze

1 MAKORINTIYO 12:10

Ha wangina ineema ya ufanya midjuza, ha wangina mujudzio wa marongozi ashukidziwawo, ha wangina ushindzi wa utafautisha ɓaina ya za Roho ya Mungu, na roho yangina. Ha wangina ulagua tafauti za luha ashukidziwazo, na ha wangina ujuzi wa utafaswiri ziluha zile.

1 MAKORINTIYO 13:1

Wala ukana neka nisulagua ziluha za wanadamu na za malayika, ne tsisina mahaɓa, v̄av̄o tsa garando livumao, au keme za kengele.

MARKUSI 16:17

Tsizini ziãlama za midjuza zitsoonehanao ha wao watsoaminio: Ha lidzina langu, watsotoa mazetwani, watsolagua luha pia watsoshukidziwaozo;

1 MAKORINTIYO 14:1

Ɓasi namuɗunge uv̄endza, tsena namutsahe ha kusudi neema za shiroho, hususwani ya ujudza marongozi ya shi mutrume yashukidziwa.

1 MAKORINTIYO 13:4

Uv̄endza ukana suɓira, na uwema. Uv̄endza kaina uwivu, uv̄endza kaidzirendre, kaidziono,

MAROMU 14:19

Ha izo, nariɗunge izo ziv̄ingao amani, tsena zitsorisaidio wasi na wasi rendre mbeli.

1 MAKORINTIYO 14:17

Kweli amba v̄ale usuhimidia ha uzuri tu, ɓadi munyaho ule kasuhodarishiha.