1 MAKORINTIYO 14:3 - Ha`bari Ndjema ya I Maore

³ Ɓadi uwo ajudzao marongozi ashukidziwawo, ulagua na wanadamu: waye uhodarisha, utria ɓari, tsena utrulidza.

1 MAKORINTIYO 14:3 Referans Kwoze

1 MAKORINTIYO 14:12

Ɗe namuna iyo wanyu wajau. Rangu muliona huɓa mudjaãliwe neema za iRoho, namuzitsahe ha uwengi, ɓadi ile ha uhodarisha iDjama Ndziwaminifu.

1 TIMUTAUSU 4:13

Ha ulindrilia niwaswili, dzihetsi usome ha hadhwira yiMiangishio Mitwaharifu, utriye ɓari, tsena usomedze.

YUDA 1:20

Ɓadi wanyu wav̄endzewa, namudziundre hari mwa uaminifu wazidi utwaharifu wanyu, mufanye mamilio ha iRoho Ndzitwaharifu,

TITUSA 1:9

afungamanihe na ĩlimu ya kweli ha inamuna yasomedzewa, pare ashindre atriye ɓari ha umusomo mwema na uharalia wao walio kinyume.

MAEFESO 6:22

Nisumuv̄elesheaniwo ha kusudi pare mujuwe ihali rilio, tsena amutriyeni ɓari ziroho.

2 TIMUTAUSU 4:2

judza Urongozi, parilia kula wakati, neka mwema au tsi mwema. Fundra na urudi watru, tria ɓari na usomedza v̄umoja na suɓira ndzikamilifu.

TITUSA 2:6

Tria ɓari wajau wanahirimu watruɓaɓa wake waelevu.

1 MAKORINTIYO 14:31

Mana piyanyu mutsojua mujudze moja ha moja marongozi mwashukidziwa, ile pare piya wafundrwe, tsena watrilwe ɓari.

1 MAKORINTIYO 14:26

Ɓasi rifanye jeje, wananyangu? Kula mwamongulidzana, moja atsojua akane himbo, moja musomo, moja trongo av̄enuliwayo, moja luha ashukidziwa, na wangina faswiri. Piya nazifanyihe ha uendresa mbeli idjama.

MAROMU 14:19

Ha izo, nariɗunge izo ziv̄ingao amani, tsena zitsorisaidio wasi na wasi rendre mbeli.

MAV̄INGIZI-RISALA 13:15

Ɓaanda ya umusomo wa iSharia na yimitrume, yamakizi-mbeli ya iNyumba ya Uswali wawav̄eleshea haɓari ini: «Wananyatru, neka muna wana marongozi wa utria ɓari idjama, mutsojua murongowe.»

TITUSA 2:9

uWarumwa nawadzituĩse ha wanyewe wawo hari mwa trongo piya, wawajiv̄idze, wasushindrane na wao,

1 MATESALONIKA 2:3

Mana mujudzio watru kawaketsi hari mwa kosa, ɓila nia kayarahara, wala udjandja.

1 MAKORINTIYO 10:23

V̄wa warongoao: «Piya ziruhusiwa.» Kweli, ɓadi tsi piya ziliona faida. «Piya ziruhusiwa», ɓadi tsi piya ɗe ziendresao mbeli.

1 MONYE 5:12

Ɗe ha umusada wa Silvanus nimurengao amba mwananya muaminifu, ɗe nimuangishiaoni wana mistari wanu, ile nimutriyeni ɓari na ulawa ushahidi amba iyo ɗe irehema ya kweli ya Mungu ɗe mwadzifungamanisa nayo.

MAHEƁRANIYA 13:22

Nisumumiani wananyangu wa shi uaminifu, namustahamili urongozi wa mutrulio-ɓari unu, mana tsimuangishiani ha ukutri.

MAHEƁRANIYA 10:25

Rasulishe ungulidzana na wanyatru wa shi uaminifu, mauri ɓaãdhwi waliona udzevu nayo, ɓadi naritriyane ɓari wasi na wasi, na zini hususwani iv̄o muonao amba iSuku isukuruɓia.

TITUSA 2:15

Ɓasi izo ɗe zalazimu usomedze, utriye ɓari na urudia v̄umoja na yezi ndzikamilifu. V̄usuke ata mutru ahudharau.

1 TIMUTAUSU 6:2

Na wao waliona warumisa waaminio, wasuwav̄ungushiye mastaha ha siɓaɓu amba wao wananya wa shi uaminifu. Ɓadi ɗe ikinyume amba nawazidi uwarumishia ha uzuri, mana wao uwafayidisha na zihazi zawo wao watru waaminio, tsena wav̄endzewa. Izo ɗe zalazimu usomedze na usariɓia.

1 TIMUTAUSU 1:4

Waambiye tsena wasudzishapise na mahadisi yatrungwa na zingurudhwa kazina mwiso za wadzaɗe, trongo ziv̄ingao hari mwa mashindrano, ɓadi tsi hari mwa umupango wa Mungu uparihanao ha uaminifu.

2 MATESALONIKA 3:12

Ɓasi watru wao risuwaãmurisha na uwatria ɓari ha lidzina la Raɓi Insa-Kristi, amba wafanye hazi ha utrulivu na uɗya nguvu za mwili zawo.

1 MATESALONIKA 4:18

Ɓasi v̄av̄o namutriane ɓari ha marongozi yao.

1 MATESALONIKA 4:1

Yaɓaki v̄anu wananya wa shi uaminifu, mupara ulawa na wasi namuna jeje ya udziv̄inga na umujiv̄ia Mungu, na iyo ɗe itrongo muifanyao. Av̄asav̄anu ɓasi, risumumiani na umutriani ɓari ha uv̄umoja na Raɓi Insa, namuendreleye raha ha uzidisha.

1 MATESALONIKA 3:2

amwesa rimuv̄elehe mwananyatru Timutausu, mushangirizi wa Mungu ha ihaɓari ndjema ya Kristi, ile amuhodarisheni na umutriani ɓari ha tanafu ya uaminifu wanyu,

1 MATESALONIKA 2:11

Mana musujua amba rika ha kula moja hari mwanyu mauri ɓaɓa ha wana wahe;

MAKOLOSIYA 4:8

Nisumuv̄elesheaniwo ha kusudi ile mujuwe ihali yatru, na tsena amutriyeni ɓari ziroho.

MAEFESO 4:29

Hanyoni hanyu v̄usulawe ata urongozi movu, ɓadi urongozi mwema utsoshindrao wakati walazimu, ufayidishe na uv̄ingia rehema wao waukiao.

2 MAKORINTIYO 2:7

ha namuna amba ya ɓorwa mumuswamihi na umutrulidza, ile asuje azidishiwa na huzuni yatupa.

2 MAKORINTIYO 1:4

Waye ɗe aritrulidzao hari mwa piya taãɓu zatru, ile ha umutrulidzio riuparao wasi v̄atru walawa ha Mungu, rishindre ritrulidze wao walio hari mwa kula namuna ya taãɓu.

1 MAKORINTIYO 14:17

Kweli amba v̄ale usuhimidia ha uzuri tu, ɓadi munyaho ule kasuhodarishiha.

1 MAKORINTIYO 8:1

Ɓasi yahusu nyama zatolewa sadaka masanamwe, risujua amba piyasi rina ujuzi. Ujuzi, uwo uv̄inga mutru adziɓuwe, ɓadi mahaɓa, yao uhudza.

MAROMU 15:2

Kula moja hari mwasi najiv̄idze munyawe ha indjema, ile pare ahodarishihe.

MAROMU 12:8

Uwo adjaãliwa ineema ya utria ɓari, naifanye; uwo av̄ao, nav̄e ɓila hisaɓu; uwo av̄ingao wanyahe, naifanye v̄umoja na djitihadi, na uwo adjaãliwa ineema ya uonesa poreho, nav̄orehe v̄umoja na furaha.

MAV̄INGIZI-RISALA 15:32

Yudasi na Silasi, waka wao-wao watru wakoshukidziwa marongozi wayajudze, watria ɓari wanyawo waaminifu na uwahodarisha ha marongozi mengi.

MAV̄INGIZI-RISALA 14:22

Wahodarisha iroho ya maswihaɓa, uwatria ɓari wasike uaminifu wawo na uwaambia: «Irilazimu riv̄iriye taãɓu nyengi iv̄o ringiye hari mwa uUtawalizi wa Mungu.»

MAV̄INGIZI-RISALA 9:31

Wakati ule iDjama Ndziwaminifu hari mwa piya iYudeya, iGalilaya na iSamariya ika hari mwa amani. Yakohodarishiha na uẽshi ha umutuĩ Mola, tsena yakoengedzeha ha umusada wa iRoho Ndzitwaharifu.

LUKASI 3:18

Ɓas ha marongozi mengi yangina, ɗe Yahaya akoĩdhia watru na uwajudza iHaɓari Ndjema.

MAHEƁRANIYA 3:13

Ɓadi namutriane ɓari kula suku, piya wakati mutru ashindrao arongowe «Leo», ile ata moja hari mwanyu asukaidishihe ha udangamanyifu wa lidhambi.

MAV̄INGIZI-RISALA 4:36

Yusufu, ule yaMav̄ingizi-Risala wakomuhira Ɓarnaɓasi, yaãni Mutria-Ɓari, Mulawi|Lawi wa shi Kupro,