1 MAKORINTIYO 14:16 - Ha`bari Ndjema ya I Maore

¹⁶ Neka tsi namuna iyo, wamohimidia ha iRoho, uwo alio hari mwa liɓandza la idjama ivulishiao, atsov̄oshea jeje «Amina!» mamilio yaho, ne kaelewa trongo wairongoa?

1 MAKORINTIYO 14:16 Referans Kwoze

MUV̄ENULIO 5:14

Na ziumbe nne zendza roho zile zakorongoa: «Amina», na uwadzaɗe wale wakosudjudia na uãɓudu.

1 MAKORINTIYO 11:24

na ɓaanda ahimidia, alikutrua-kutrua, amwesa arongoa: «Unu ɗe umwili wangu, ulio ha itanafu yanyu. Namufanye zini ha uninahana.»

MUV̄ENULIO 7:12

ha urongoa: «Amina! Sifa, utukufu, hikima, uhimidifu, hishima, ushindzi na nguvu nazimuendreleye Mungu watru mida ha mida. Amina!»

MUV̄ENULIO 22:20

Monyewe ulawia ushahidi trongo zini asurongoa: «Ewa, nisuja tsi hale.» Amina. Ko, Raɓi Insa.

1 MAKORINTIYO 16:24

Uv̄endza yangu ya na wanyu piyanyu hari mwa uv̄umoja na Kristi-Insa.

1 MAKORINTIYO 14:14

Mana namofanya mamilio ha luha yashukidziwa, v̄av̄o roho yangu ya hari mwa mamilio, ɓadi ifikira kaidza.

1 MAKORINTIYO 14:2

Kweli amba uwo alaguao ha luha ashukidziwa, kalagua na wanadamu, ɓadi na Mungu, iv̄o kav̄u ata mutru amuelewao, na ha uv̄ingwa na iRoho ɗe arongoao trongo zadzamisiwa.

MAV̄INGIZI-RISALA 4:13

Wakati waona uhodari wa Monye na Yuhani, waremwa na ushangavu, mana wafahamu amba wao tsi watru wendza ĩlimu wala maãrifa. Wawafahamu iv̄o waka v̄umoja na Insa.

YUHANI 21:25

Insa afanya raha trongo nyengi zangina. Na djeli zakoangihwa moja ha moja, tsisufikiri amba lidunia wilo latsoshindra liv̄inge zizio zitsoangihwao.

YUHANI 7:15

V̄ale Mayahudi wakoshanga na urongoa: «Ha namuna jeje ajuao yiMiangishio, ne kasoma?»

MARKUSI 16:20

Na wao walawa wajudze iHaɓari Ndjema kula v̄ahanu. Raɓi akofanya hazi v̄umoja na wao, na udhiɓitisha marongozi yao ha ziãlama za midjuza zakoyaɗunga.]

MATIYO 28:20

muwasomedze watuĩ piya izo namuãmurishanizo. Na tsami, nisuka v̄umoja na wanyu kula suku, ata mupaka umwiso wa lidunia.»

MATIYO 6:13

Usurilishe radjereɓilwa uzainiwa, ɓadi ripukamanise na uMovu|Movu.› [Mana utawalizi, ushindzi, na utukufu, wawe ɗe Monyewe wizo daimani aɓada. Amina.]

MATIYO 15:36

Amwesa arenge madipe saɓa yale na zifi, amuhimidia Mungu, ayakutrua, ayav̄a maswihaɓa yahe waãnisiye idunia.

2 MAKORINTIYO 1:20

Mana piya zinguwahadi za Mungu, «iEwa» yazo uparihana haheju. Iyo ɗe imana wajau ata ha ndzia yahe rirongoao «iAmina», pare Mungu atukuzihe.