1 MAKORINTIYO 13:9 - Ha`bari Ndjema ya I Maore

⁹ Mana ujuzi watru wa pindri, na umujudzio watru wa marongozi ya shi mutrume yashukidziwa, tsena wa pindri.

1 MAKORINTIYO 13:9 Referans Kwoze

1 MAKORINTIYO 13:12

Leo risuona mahiɓuni hari mwa shiɗo, ɓadi meso oho, maswa ha maswa. Leo nisujua pindri, ɓadi wakati uwo oho, nitsojua ha ukamilifu, mauri ɗe inamuna najulihwana.

1 MAKORINTIYO 8:2

Neka mutru asudzifikiria ujua trongo, ɓasi v̄av̄o raha kasujua namuna yalazimu ajuwe.

1 MAKORINTIYO 2:9

Ɓadi mauri ɗe iheli yaangihwa moni na uMuangishio Mutwaharifu: «Trongo zilio amba dzitso kalaziona, kio kalazikia, wala kazangia hari mwa umo wa mwanadamu, trongo zilio amba Mungu azitayarishia wao wamuv̄endzao.»

MATIYO 11:27

Piya trongo tsiv̄olwazo na Ɓaɓangu, na kav̄u ajuao uMwana neka tsi ɗe Ɓaɓa, wala kav̄u ajuao Ɓaɓa neka tsi ɗe uMwana, na uwo uMwana atsahao amuv̄enuliye.

1 YUHANI 3:2

Wav̄endzewa wangu, av̄asa ra wana wa Mungu, na iyo ritsokao, raha kayav̄enulwa. Ɓadi risujua amba wakati atsov̄enuhao, ritsoka mauri waye, mana ritsomuona hali alio.

MAEFESO 3:8

Wami nilio umuv̄ungufu wa piya watwaharifu, tsidjaãliwa ineema ini ya ujudza ha watru wa zinishani zangina iHaɓari Ndjema ya utadjirifu wav̄iria shiv̄imo wa Kristi,

MAROMU 11:34

Mauri ɗe iheli v̄waangihwa moni na uMuangishio: «Mbani ɗe aparojua inia ya Mola? Mbani aka mushaurina wahe?»

1 MAKORINTIYO 13:10

Ɓadi ukamilifu wamoja, itsindzikamilifu itsokoma.