1 MAKORINTIYO 13:4 - Ha`bari Ndjema ya I Maore

⁴ Uv̄endza ukana suɓira, na uwema. Uv̄endza kaina uwivu, uv̄endza kaidzirendre, kaidziono,

1 MAKORINTIYO 13:4 Referans Kwoze

1 MONYE 4:8

Kaɓula ya piya, namuv̄endzane ha kusudi wanyu na wanyu, mana uv̄endzana, iyo ufinikia wengi wa madhambi.

MAEFESO 4:32

Namuke wema na roho zendza poreho wanyu na wanyu; namuswamihiane, mauri ɗe inamuna Mungu amuswamihini ha uv̄umoja wanyu na Kristi.

MAKOLOSIYA 3:12

Ɓasi v̄av̄o wanyu mwatsahulwa na Mungu, amba watwaharifu amma wav̄endzewa, namudzipindrise mo wa poreho, uwema, uwekevu, umakini, na suɓira.

1 YUHANI 4:11

Wav̄endzewa wangu, neka amba Mungu ariv̄endze namuna ini, rilazimu wasi wajau riv̄endzane.

1 MONYE 3:8

Ha muhutaswari, namuke konyo moja piyanyu, namuoneane utungu, muv̄endzane shiunanya, muv̄orehane, mukane uwekevu.

1 MATESALONIKA 5:14

V̄av̄o wananya wa shi uaminifu, risumutriani ɓari mufahamishe wendza musadjadja, muhodarishe wao wapuha ɓari, musaidiye walemevu, mukane suɓira mbeli za watru piya.

2 MONYE 1:7

na ju la maendreleo ya ĩɓada, uv̄endza wa shiunanya, na ju la uv̄endza wa shiunanya, mahaɓa.

MAEFESO 4:2

hari mwa uwekevu na umakini, v̄umoja na suɓira. Namustahamiliane wanyu na wanyu hari mwa mahaɓa.

2 MAKORINTIYO 6:6

hari mwa uraharifu, ujuzi, suɓira, uwema, iRoho Ndzitwaharifu, na uv̄endza wa kweli,

MAKOLOSIYA 1:11

amwesa raha muhodarishihe hari mwa piya zitrongo, ha inguvu ndzitukufu yahe, ile mukane ustahamilifu na suɓira hari mwa piya, tsena ha furaha.

MAGALATWIYA 5:26

Rasudzione, nariziye utukizana na uoneana uwivu.

1 MAKORINTIYO 4:6

Trongo zizo wananyangu, tsizirongoa ju langu na Aɓulusu ha siɓaɓu ya wanyu, ile ha umufano watru mufundrihe imana ya urongozi unu: «Musuv̄iriye izo zaangihwa», ile v̄wasuke mutru mengoni mwanyu aka amba adzijadza ufahari ha uania moja kinyume na wangina.

2 TIMUTAUSU 4:2

judza Urongozi, parilia kula wakati, neka mwema au tsi mwema. Fundra na urudi watru, tria ɓari na usomedza v̄umoja na suɓira ndzikamilifu.

2 TIMUTAUSU 3:10

Ɓadi wawe, uniɗungu ha uzuri hari mwa musomo, maendreleo, mipango, uaminifu, suɓira, uv̄endza, ustahamilifu,

1 MONYE 2:1

Namutsuwe ɓasi kula uovu, kula udangamanyifu, unafiki, uwivu, na kula musingidzio.

TITUSA 3:3

Mana wasi wajau, mara ya handra rika wajinga, wakaidi, wapotevu, warumwa wa piya zinamuna za ngushauku na za masterehi. Rakoẽshi hari mwa upeu na uwivu, rika wafudhuli, tsena rakoengana.

1 MAKORINTIYO 3:3

Mana raha musudziv̄inga shiuɓinadamu. Rangu hari mwanyu v̄ulio uwivu na umani, v̄av̄o kamusi shiuɓinadamu? Hali kamusudziv̄inga ha namuna ya shi ulemengu?

MAV̄INGIZI-RISALA 7:9

Na wadzaɗe wale, ha uwivu wawo na Yusufu, wamuudzu av̄ingwe Miswiri. Ɓadi Mungu aka na waye,

2 TIMUTAUSU 2:25

Narudiye ha utrulivu wao wamukanyushao, ukiri uka amba Mungu atsowagaudza wandre toɓa, pare wajuwe ikweli.

1 TIMUTAUSU 6:4

v̄av̄o ajaya ufahari, kasina yotsi aijuao; ana uwaɗe wa ushindrana na umani hari mwa zikauli. V̄av̄o ɗe v̄udzalishihao uwivu, mashindrano, naza, misingidzio miovu,

1 MAKORINTIYO 8:1

Ɓasi yahusu nyama zatolewa sadaka masanamwe, risujua amba piyasi rina ujuzi. Ujuzi, uwo uv̄inga mutru adziɓuwe, ɓadi mahaɓa, yao uhudza.

MAROMU 1:29

Wajaya na kula namuna ya uovu, ya upeu, ya ushifuɓa, na taɓia mbi; wajaya uwivu, fikira za uula, umani, udjandja, na roho mbovu mbeli za wanyawo. Wao ufitiniana,

YAKOƁU 4:5

Hali musufikiri amba uMuangishio usurongoa ɓure-ɓure amba: Mungu ana ushauku wa shi uwivu na iroho aiketsisa moni hatru?

1 MAKORINTIYO 4:18

Ha ufikiri amba tsitsoja namuonani, wasalia wasudzirendra.

MAROMU 13:13

Naridziv̄inge ha namuna yalazimu yastahiki umutsana, ɓila uv̄endzoɗya, wala ulevi, ɓila uzani, wala taɓia kayalazimu, ɓila umani, wala uwivu.

MAKOLOSIYA 2:18

Musudzilishe mwarav̄wa ushindrifu na mutru yotsi adzijiv̄idzao ha uwekevu wa trambo na ĩɓada ya malayika; mutru namuna iyo udzihetsi hari mwa izo aonao, na udziɓua tu ɓure-ɓure ha fikira za shiuɓinadamu zahe.

MAFILIPI 1:15

V̄wa ɓaãdhwi kweli wamujudzao Kristi ha uwivu na mashindrano, ɓadi wasalia ha nia ndjema.

2 MAKORINTIYO 12:20

Mana nisuria amba namowaswili, tsitsomuparani namuna natsotsaha, na wanyu tsena kamutsonipara namuna mwatsotsaha. Nisuria wami upara umani, uwivu, hasera, mitsapushiano, zilihidzo, marongo nnayi, udziɓua na fidjo.

1 MAKORINTIYO 5:2

Na v̄av̄o musudziona! Tsi ɓorwa anga mwaka hari mwa usikitifu, ata mutru afanya taɓia iyo atolwa hari mwa wanyu?

MATIYO 27:18

Mana akojua amba ha uwivu ɗe wamuv̄eleha Insa mihononi hahe.