1 MAKORINTIYO 13:3 - Ha`bari Ndjema ya I Maore

³ Neka tsianisa piya nilionazo ha zimasikini, ata neka tsidzitoa fidia umwili wavudzwe, ne tsisina mahaɓa, v̄av̄o kaisunifayi na itsokao yotsi.

1 MAKORINTIYO 13:3 Referans Kwoze

YUHANI 15:13

Kav̄u uv̄endza muɓole rahana mutru uv̄a uhayati wahe ha siɓaɓu ya wandzani wahe.

MATIYO 23:5

Wao ufanya piya zitrendro zawo ile waonehane na wanadamu. Ha izo, mifungo yiliona miangishio mitwaharifu yawo, wao uyifanya amba miɓole, na mav̄wendzi ya nguo zawo uka male.

MAGALATWIYA 5:26

Rasudzione, nariziye utukizana na uoneana uwivu.

LUKASI 18:28

Ɓas, Monye arongoa: «Tsasi rilishi piya trongo zatru, rija rihuɗungu.»

MAHEƁRANIYA 13:9

Mwasudzilishe mwav̄ingwa na tafauti namuna na namuna za misomo midjeni. Mana iyo ndjema amba roho ihodarishihe ha irehema, tsi ha zahula zilio amba kazafayidisha na itsokao yotsi wao waɗungao masharutwi yahusuana nazo.

1 TIMUTAUSU 4:8

Madjereɓio ya shimwili ukana faida, ɓadi hari mwa trongo shashi, wakati ulio amba ĩɓada, iyo ukana faida hari mwa piya zitrongo, mana ina wahadi wa uhayati wa leo, ata uwo ujao.

YUHANI 12:43

Mana wakov̄endza sifa za wanadamu rahana sifa za Mungu.

LUKASI 18:22

Insa wakati akia trongo zile, amuambia: «V̄uhuɓakia tsena trongo moja: udza piya izo ulionazo, uanisiye zimasikini, na v̄av̄o utsokana utadjirifu pev̄oni. Amwesa uje uniɗunge.»

MAV̄INGIZI-RISALA 21:13

Sa ile adjiɓu: «Manatrini mulilao, munipuao ɓari iroho yangu? Tsa tayari, tsi ha ufungwa tu, ɓadi ata ha ufa Yerusalemu ha siɓaɓu ya lidzina la Raɓi Insa|Raɓi.»

YUHANI 13:37

Monye amuambia: «Raɓi, mana trini tsishindri nahuɗunga av̄asa? Wami tsa tayari ya ufa ha siɓaɓu ya wawe.»

YUHANI 6:63

Roho ɗe iv̄ao uhayati, umwili kaushindri ata trongo. Marongozi yao namuambiani, yao roho na uhayati.

LUKASI 19:8

Ɓadi Zakayi ahimi mbeli za Raɓi, amuambia: «Mutukufu, tsami nisurenga inusu ya mali zangu, niiv̄e zimasikini. Na mutru yotsi atsokao amba tsimudanganya, nitsomuregezea shitru yahe ata mara nne.»

MAFILIPI 2:3

Musufanye itsokao yotsi ha mashindrano, wala ha udzirendra, ɓadi ha uwekevu, namuone wasalia ɓorwa rahana wanyu.