1 MAKORINTIYO 13:1 - Ha`bari Ndjema ya I Maore

¹ Wala ukana neka nisulagua ziluha za wanadamu na za malayika, ne tsisina mahaɓa, v̄av̄o tsa garando livumao, au keme za kengele.

1 MAKORINTIYO 13:1 Referans Kwoze

1 TIMUTAUSU 1:5

iKusudi ya lisariɓu lini, ɗe uv̄endza ulawao ha umo warahara, na nafusi ndziraharifu ɓila tuhuma, v̄umoja na uaminifu wa kweli.

1 MONYE 4:8

Kaɓula ya piya, namuv̄endzane ha kusudi wanyu na wanyu, mana uv̄endzana, iyo ufinikia wengi wa madhambi.

MAGALATWIYA 5:22

Ɓadi mavuna ya iRoho ɗe: uv̄endza, furaha, amani, suɓira, uwema, roho ndjema, uaminifu,

1 MAKORINTIYO 13:8

Uv̄endza kaikomo. Ɓadi ujudza marongozi ya shi mutrume yashukidziwao ina mwiso, luha zishukidziwao zitsozia, na ujuzi una mwiso.

MAGALATWIYA 5:6

Mana hari mwa uv̄umoja na Kristi-Insa, tsi ɗe utahiriwa, au tsi utahiriwa ɗe iliona mana, ɓadi ɗe uaminifu urendrehao ha mahaɓa.

1 MAKORINTIYO 8:1

Ɓasi yahusu nyama zatolewa sadaka masanamwe, risujua amba piyasi rina ujuzi. Ujuzi, uwo uv̄inga mutru adziɓuwe, ɓadi mahaɓa, yao uhudza.

2 MONYE 2:18

V̄umoja na marongozi maruv̄u yendza ufahari, na ha ndzia ya zingushauku zatupa mupaka za shimwili, wasulimbia utra wao walio amba tsi hale ɗe watralia wale waẽshio hari mwa upotevu.

MAROMU 14:15

Neka ha siɓaɓu ya shahula usutria utungu roho ya mwananya muaminifu, v̄av̄o kusuɗunga tsena indzia ya mahaɓa. Usutsonge ha ishahula yaho uangamifu wa uwo alio amba Kristi afu ha umukomboa.

MATIYO 25:45

Na waye atsowadjiɓu: ‹Nisumuambiani ha kweli, kula wakati kamwaka mwafanyiazo mutiti moja hari mwa wananyangu watiti rahana watiti wao, v̄ale kamwakonifanyiazo ɗe wami.›

1 MAKORINTIYO 12:8

Moja udjaãliwa ha iRoho urongozi wendza hikima, na wangina urongozi wa ujuzi, ha iRoho ɗe wiyo ile.

1 MAKORINTIYO 12:16

Au na djeli kio lakorongoa: «Rangu tsisi dzitso, wami tsi wa umwili», kaitsoka amba v̄av̄o kalisi la umwili.

2 MAKORINTIYO 12:4

au neka aka ahedzewa pev̄oni, akia marongozi kayashindri urongolesheha, yalio amba kayaruhusiwa shiumbe mwanadamu itsokao yotsi ayarongoa.

MARKUSI 16:17

Tsizini ziãlama za midjuza zitsoonehanao ha wao watsoaminio: Ha lidzina langu, watsotoa mazetwani, watsolagua luha pia watsoshukidziwaozo;

1 MAKORINTIYO 12:10

Ha wangina ineema ya ufanya midjuza, ha wangina mujudzio wa marongozi ashukidziwawo, ha wangina ushindzi wa utafautisha ɓaina ya za Roho ya Mungu, na roho yangina. Ha wangina ulagua tafauti za luha ashukidziwazo, na ha wangina ujuzi wa utafaswiri ziluha zile.

1 MAKORINTIYO 14:2

Kweli amba uwo alaguao ha luha ashukidziwa, kalagua na wanadamu, ɓadi na Mungu, iv̄o kav̄u ata mutru amuelewao, na ha uv̄ingwa na iRoho ɗe arongoao trongo zadzamisiwa.

1 MAKORINTIYO 14:4

Uwo alaguao ha luha ashukidziwayo, udzihodarisha monyewe, na ule ajudzao marongozi ashukidziwawo, uhodarisha iDjama Ndziwaminifu.

1 MAKORINTIYO 14:5

Ɓasi natsov̄endza piyanyu mulaguwe luha mwashukidziwazo, ɓadi zaidi amba mujudze marongozi ya shi mutrume yashukidziwa. Ule ajudzao marongozi ashukidziwawo, ana faida rahana ule alaguao ha luha zashukidziwa, ɓadi neka v̄wa mutru atafaswirio luha zile, pare iDjama Ndziwaminifu ihodarishihe.

MUV̄ENULIO 14:2

Na v̄ale tsikia ulawa pev̄oni ji mauri keme za muro wa maji ha uwengi, mauri keme za guguma ɓole. Na ingono naikia, ika mufano wa mangadza-dzendze yaɓihao zombo zawo.