1 MAKORINTIYO 12:3 - Ha`bari Ndjema ya I Maore

³ Ha izo, nisutsaha muelewe amba kav̄usi alaguao ha iRoho ya Mungu arongoao: «Insa nalaãnwe», wala kav̄usi ashindrao arongowe: «Insa ɗe Raɓi», neka tsi ha iRoho Ndzitwaharifu.

1 MAKORINTIYO 12:3 Referans Kwoze

2 MAKORINTIYO 3:5

Ɓila tsi amba ha iwasi yatru ɗe rishindrao ridzihetsiye itsokao yotsi amba yalawa ha wasi wenyewe, ɓadi ushindzi watru ulawa ha Mungu.

MAROMU 10:9

Mana neka ukuɓali ha ihanyo yaho amba: «Insa ɗe Raɓi», tsena neka uamini rohoni haho amba Mungu amuregeza hayi ulawa ha uwafu, v̄av̄o utsohuyiha.

YUHANI 13:13

Musunihira Fundi, na Raɓi, tsena muna haki, mana wami ɗe wizo zile.

1 MAKORINTIYO 8:6

ɓadi hatruju v̄wa Mungu moja tu, Ɓaɓa alio amba zitru piya ulawa haheju, na ha waye ɗe rilio; na Raɓi moja, Insa-Kristi, alio amba ha ndzia yahe ɗe piya zilio, na ha ndzia yahe tsena ɗe rilio.

YUHANI 15:26

«Wakati uMusaidizi atsojao, uwo nitsomuv̄elesheaniwo ulawa ha Ɓaɓa, ne ɗe iRoho ya ukweli ilawao ha Ɓaɓa, atsonilawia ushahidi.

MATIYO 22:43

Ɓas, awaambia: «Ha namuna jeje ɓasi, ata uv̄ingwa yahe na iRoho, Daudu amuhira ‹*Raɓi› wakati arongoa:

MARKUSI 9:39

Ɓadi Insa arongoa: «Musumuɓalidze, mana kav̄u ata mutru atsofanyao midjuza ha lidzina langu, amwesa ɓaanda ya v̄ale kamwe ashindre anirongowe ha unayi.

1 MAKORINTIYO 16:22

Neka v̄wa mutru kamuv̄endze Raɓi, nalaãniwe. Maranatha!

2 MAKORINTIYO 11:4

Mana neka v̄uja mutru asumujudzani Insa wangina ɓadi tsi ɗe ule ramujudza, au neka musupara roho yangina ɓadi tsi ɗe ile mwaipara, au tsena Haɓari Ndjema yangina na ile mwaikuɓali, wanyu uistahamili ha uzuri.

MAROMU 9:3

Natsov̄endza wami yangu nilaãnishihe, niɓaushane na Kristi ha tanafu ya wananyangu, wao wa ikaɓila yangu uv̄andre wa shiuɓinadamu,

MUV̄ENULIO 1:10

usikwa yangu na iRoho suku ya Raɓi. Na v̄av̄o tsikia nyuma hangu ji lendza nguvu mauri ɓaragumu

MAGALATWIYA 3:13

Kristi waye arikomboa na ilaãna ya iSharia ha ufanyiha laãna ɓadala yatru. Mana v̄uangihwa: «Alaãnishiha mutru yotsi alembedzewa hari mwa muri.»

YUHANI 13:14

Na ha izo, neka tsimuhosoni yimindru, wami Raɓi amma Fundi, imulazimuni wajau muhosane yimindru wanyu na wanyu.

MAV̄INGIZI-RISALA 8:37

Filiɓusa amuambia: «Neka usuamini ha piya iroho yaho, iyo trongo mufanyishiha.» Mutru ule amudjiɓu: «Nisuamini amba Insa-Kristi ɗe uMwana wa Mungu.»]