1 MAKORINTIYO 12:12 - Ha`bari Ndjema ya I Maore

¹² Kweli amba mauri ɗe umwili iv̄o ulio moja ne uliona ziga nyengi, na piya ziga za umwili ha uwengi wazo, wizo mwili moja, ɓasi ɗe ha inamuna iyo wajau ɗe v̄ulio ha Kristi.

1 MAKORINTIYO 12:12 Referans Kwoze

MAKOLOSIYA 3:15

Utrulivu wa Kristi ulio amba muhiriwa mukanewo ile mufanyihe mwili moja, nautawale rohoni hanyu. Namuke wendza himida.

1 MAKORINTIYO 12:27

Ɓasi wanyu ɗe umwili wa Kristi, na kula moja shiga ya umwili uwo.

MAKOLOSIYA 2:19

Na waye kasudzifunga na ishitswa ilio amba ha wiyo, piya umwili wafungamaniha ha uzuri ha zifungo za mwili na yimizi yawo, uhua ha muhulio ulawao ha Mungu.

MAEFESO 4:4

V̄wa mwili moja na Roho moja, mauri ɗe inamuna ilio amba itama mwahiriwa nayo moja, ne ɗe ile ya umuhirio wanyu.

1 MAKORINTIYO 10:17

Ɓasi iv̄o v̄ulio dipe moja, wasi ha uwengi watru, ra mwili moja, mana piyasi risurenga fuvu hari mwa dipe moja lilo.

MAEFESO 5:30

mana wasi ziga za umwili wahe.

MAKOLOSIYA 1:18

Waye ɗe Shitswa wa umwili, ilio iDjama Ndziwaminifu; waye ɗe umwandro, umudzalwa wa handra alawa ha uwafu, ile hari mwa piya ake ɗe wa handra.

MAEFESO 5:23

Mana mutrumume waye ɗe shitswa wa umutrumushe, mauri ɗe Kristi alio shitswa wa iDjama Ndziwaminifu ilio mwili wahe, waye alio uMuhuyifu wayo.

MAEFESO 4:12

ile watwaharifu watayarishihe ha ihazi ya urumishi, pare umwili wa Kristi uundrishihe,

MAGALATWIYA 3:16

Na v̄anu zinguwahadi zika ziv̄olwa Iɓrahima na shilembwe yahe. uMuangishio kausurongoa amba «na zizilembwe», mauri amba wengi, ɓadi usurongoa moja, «na ishilembwe yaho», na uwo ɗe Kristi.

MAKOLOSIYA 1:24

Av̄asav̄anu nisufurahi na yamaondo niyaonao ha tanafu yanyu, tsena nisutsimidza ha umwili wangu yamatreso yamukosea Kristi ha tanafu ya umwili wahe, ne ɗe iDjama Ndziwaminifu.

MAEFESO 1:23

ilio mwili wahe, ukamilifu wa Uwo akamilishao piya ha kula namuna.

1 MAKORINTIYO 12:7

Kula mutru udjaãliwa ãlama ionehanao ya umukayo wa iRoho, ha faida ya djimla.

1 MAKORINTIYO 12:20

Kweli amba v̄wa ziga nyengi, ɓadi umwili moja.