1 MAKORINTIYO 10:4 - Ha`bari Ndjema ya I Maore

⁴ na tsena piyawo wano shinoa ɗe wiyo-wiyo ya shiroho; kweli amba wakonwa shinoa yakolawa hari mwa ɓwe-monye la shiroho lakowaɗunga, na ɓwe-monye lilo lika ɗe Kristi.

1 MAKORINTIYO 10:4 Referans Kwoze

YUHANI 7:37

iSuku ya mwiso ya Musherehio ule, ne ɗe isuku ɓole, Insa ahimi, arongoa ha nguvu: «Neka mutru asuona nyora, nanijiliye, anwe.

YUHANI 4:14

Ɓadi uwo atsonwao yamaji nitsomuv̄aoyo, katsoona nyora ata idahari. Mana yamaji nitsomuv̄aoyo yatsoka haheju dzitso litriao maji ya uhayati mukamilifu wa daima.»

YUHANI 4:10

Insa amudjiɓu: «Na djeli wakojua ineema yadjaãliwa na Mungu, na uwo mbani ɗe ahuambiao amba: ‹Nimbe maji ninwe›, v̄av̄o wawe ɗe watsomumia maji ya unwa, na waye atsohuv̄a maji ya uhayati.»

MAKOLOSIYA 2:17

Izo piya shivuli ya izo zijao, ɓadi iswafi ɗe Kristi.

MUV̄ENULIO 22:17

iRoho na umushe-harusi wasurongoa: «Ko!» Uwo akiao narongowe: «Ko!» Mwendza nyora naje; uwo atsahao, narenge maji ya uhayati, ɓila uliv̄a.

MAHEƁRANIYA 10:1

Kweli amba iSharia isuv̄inga muvuli wa zindjema zijao, ɓadi tsi sura swafi-swafi ya trongo zizo. Iyo ɗe imana amba ata dahari kaisushindra ha masadaka yao-yao yatolewao v̄av̄o na v̄av̄o, mwaha ata mwaha, yarahatsisa ha ukamilifu wao wamukuruɓiao Mungu ha umuãɓudu.

MAGALATWIYA 4:25

Na Hadjira ɗe uMulima wa Sinayi|Mulima wa Sinayi hari mwa iAraɓiya, na waye asurengwa mauri ɗe iYerusalemu ya leo, mana ya hari mwa urumwa na uwana wayo.