1 MAKORINTIYO 10:25 - Ha`bari Ndjema ya I Maore

²⁵ Namuɗye kula nyama iudzishihao ɓazari, wala tsi ha udzitafiti na itsokao yotsi ha siɓaɓu ya minamuzi hari mwa yalazimu na kayalazimu.

1 MAKORINTIYO 10:25 Referans Kwoze

1 MAKORINTIYO 8:7

Ɓadi piya tsi ɗe waliona ujuzi uwo. Wasalia wakana udzevu wa masanamwe, ha namuna amba ata upara av̄asa wamoɗya nyama yatolewa sadaka masanamwe, wao uona amba v̄ale wasuɗya sadaka la shi sanamwe. liKoho la unamuzi hari mwa zindjema na zimbovu hawo tsi hodari. Ha izo, wao uona mauri wasunagisiha na inyama ile.

1 TIMUTAUSU 4:4

Kweli amba kula yaumbwa na Mungu, iyo ndjema, tsena kav̄usi ya uhara, neka isurengwa ha uhimidifu,

TITUSA 1:15

Kula shitru ndziraharifu ha wao walio waraharifu, ɓadi kav̄usi yarahara ha wao waliona utshafi, amwesa kawana uaminifu; ãkili yawo na likoho la unamuzi lawo zingia utshafi.

MAROMU 14:14

Nisujua tsena tsina yakini ha uv̄umoja wangu na Raɓi Insa, amba kav̄u ata shitru ilio nagisi ha iwayo yayo; ɓadi neka mutru asuona amba shitru ya nagisi, v̄av̄o ya nagisi na ule aionao nagisi.

MAROMU 13:5

Iyo ɗe imana ilio farudhwi ya utuĩ, tsi ha siɓaɓu ya uria hadhaɓu tu, ɓadi tsena ha siɓaɓu iv̄o mutru ajuao rohoni hahe iyo yalazimu.

MAV̄INGIZI-RISALA 10:15

Ha mara ya v̄ili tsena liji lile limuambia: «Izo Mungu azitwaharisha, usuzione nagisi.»