1 MAKORINTIYO 10:16 - Ha`bari Ndjema ya I Maore

¹⁶ Hali ishikombe ya himida rihimidiao, v̄av̄o karisurenga fuvu hari mwa idamu ya Kristi? Na lidipe rikutruao, v̄av̄o karisurenga fuvu hari mwa umwili wa Kristi?

1 MAKORINTIYO 10:16 Referans Kwoze

MAV̄INGIZI-RISALA 2:42

Wakodzishahilisa ha djitihadi na umusomo wa yaMav̄ingizi-Risala|Mav̄ingizi-Risala, uv̄umoja wa shi unanya, umukutrulio wa madipe na mamilio.

1 YUHANI 1:7

Ɓadi neka risendra heuni, mauri waye-waye alio heuni, v̄av̄o ra hari mwa uv̄umoja wasi na wasi, amwesa idamu ya Insa, Mwana wahe, isurirahatsa na kula dhambi.

MAHEƁRANIYA 3:14

Mana ra hari mwa ushirika wa Kristi neka tu amba risusika hodari ata mwisoni umuhakikisho rilionawo rangu mwandro.

MAV̄INGIZI-RISALA 2:46

Ha djitihadi na nia moja, kula suku wakongulidzana moni na iNyumba Ndzitwaharifu; wakokutrua madipe malagoni hawo na uɗya zahula zawo ha furaha na umo warahara.

1 MAKORINTIYO 1:9

Mungu waye muaminifu, waye amuhirani muke hari mwa uv̄umoja na uMwana wahe Insa-Kristi, Raɓi watru.

1 YUHANI 1:3

Trongo raiona na uikia, risumujudzaniyo wanyu wajau, ile wanyu wajau mukane uv̄umoja na wasi. Na v̄av̄o uv̄umoja watru wa na waye Ɓaɓa, na Mwana wahe Insa-Kristi.

MAV̄INGIZI-RISALA 20:7

Mufumov̄ili rika ringulidzana ha ukutrua lidipe la Unahanizi. Ɓaulusu akosomedza yamaswihaɓa, na ɓaanda akolawa isuku ya v̄ili, aendrelea na musomo wahe ata hari-hari ya uku.

1 MAKORINTIYO 12:13

Mana ha Roho moja riɓaĩshiwa piyasi, ile rifanyihe mwili moja ɓas, rangu Mayahudi ata Magiriki, rangu warumwa ata wanafasina, na piyasi rinosewa Roho moja.

MAV̄INGIZI-RISALA 20:11

Ulawa v̄ale aregea uju hule, andre akutrua lidipe la Unahanizi, aɗyi. Ɓaanda ya v̄ale aendrelea na misomo yahe ata alifadjiri, amwesa alawa.

LUKASI 22:17

Arenge shikombe, amuhimidia Mungu, amwesa arongoa: «Namurenge shikombe ya maji ya zaɓiɓu ini, muanyisiyane,

1 MAKORINTIYO 10:15

Nisulagua mauri na watru wendza fikira, ɓasi namunamuwe wanyu ha wanyu trongo niirongoao.