1 MAKORINTIYO 1:26 - Ha`bari Ndjema ya I Maore

²⁶ Wananyangu, namufikiri iheli mwaka wakati mwahiriwa: kav̄u wendza hikima wengi matsoni ha wanadamu, wala tsi wendza ushindzi wengi, wala tsi wengi wadzalwa hari mwa udjama wendza sheo.

1 MAKORINTIYO 1:26 Referans Kwoze

YAKOƁU 2:5

Namuvulishiye wananya wa shi uaminifu wav̄endzewa wangu: afa Mungu katsahua wao walio masikini mbeli za ulemengu, amba waka matadjiri hari mwa uaminifu, tsena mawarithi wa utawalizi autolea wahadi ha wao wamuv̄endzao?

1 MAKORINTIYO 2:8

Kav̄u ata mutawalizi moja wa ulemengu unu ajua hikima ini, mana na djeli waka waijua, kawatsomurema mizumari murijuRaɓi mwendza utukufu.

1 MAKORINTIYO 1:20

A hav̄i umwendza hikima? A hav̄i umutaãlamu wa Sharia? A hav̄i umushindranifu wa lidunia lini? Hali Mungu kafanya ndzijinga ihikima ya lidunia lini?

LUKASI 10:21

Sa ile kamwe Insa afurahishiwa na iRoho Ndzitwaharifu, arongoa: «Nisuhutukuza Ɓaɓa, Mola wa uwingu na ishiv̄andre ya tsi, iv̄o wadzamisa trongo zizo ha uwendza hikima na ha uwendza ãkili, waziv̄enua ha uwatiti. Ewa, Ɓaɓa, nisuhutukuza mana uv̄endze zike namuna iyo.

LUKASI 1:3

Ɓasi wami wajau tsiono amba itsoka ndjema, ɓaanda nazunguha ha uzuri ukweli wa piya trongo zini rangu umwandro wazo, nihuangishiyezo moja ha moja,

1 MAKORINTIYO 2:13

Na wasi risuzilagua, tsi ha marongozi yasomedzewa na hikima ya shiuɓinadamu, ɓadi ha marongozi yasomedzewa na iRoho, na ha izo risueledza izo zilio za Roho, ha luha ya shiRoho.

2 YUHANI 1:1

Wami, muɓole wa iDjama Ndziwaminifu, nisumuangishia Ɓweni mutsahuliwa, na wana wahe niwav̄endzao hari mwa ikweli. Wala tsi wami tu ɗe niwav̄endzao, ɓadi wajau piya wao wajuao ikweli

MAFILIPI 4:22

Piya watwaharifu wamusalimuni, hususwani wao walio hari mwa muraɓa wa Kaiswara.

MAV̄INGIZI-RISALA 17:34

Ɓadi v̄wa ɓaãdhwi yawo wamukuɓali, waamini. Hari mwawo v̄uka mutru akohiriwa Denisiyo, mwanashama wa Areopagu, v̄uka na mutrumushe akohiriwa ha lidzina la Damarisi, iv̄o na wasalia.

MAV̄INGIZI-RISALA 13:12

Uona yahe itrongo yahidjiri, wakala ule aamini, ha ikiasi aremwa na ushangavu na umusomo wahusu Raɓi.

MAV̄INGIZI-RISALA 13:7

Na waye aka v̄umoja na Sergiyusu Ɓaulusu, wakala mutaãlamu. Ɓas, wakala ule amuhiri Ɓarnaɓasi na Saulusu, akotsaha avulishiye Urongozi wa Mungu.

MAROMU 11:29

Mana Mungu amodjaãlia zineema zahe na umuhirio wahe, waye karudi nyuma.