1 MAKORINTIYO 1:14 - Ha`bari Ndjema ya I Maore

¹⁴ Nisumuhimidia Mungu iv̄o tsaɓaĩsha ata moja hari mwanyu neka tsi ɗe Krispusu na Djayusu.

1 MAKORINTIYO 1:14 Referans Kwoze

MAV̄INGIZI-RISALA 18:8

Na v̄ale Krispusu, dhwamana wa iNyumba ya Uswali, aja amuamini Raɓi v̄umoja na piya udjama wahe. Tsena, Makorintiyo wengi wakomuvulishia Ɓaulusu waamini, amwesa waɓaĩshiwa|uɓaĩsha.

MAROMU 16:23

Djayusu, mukariɓisa wangu na wa iDjama Ndziwaminifu, asumusalimuni. Erastusa musika-mali wa liɗago, v̄umoja na umwananya Kawartu, wasumusalimuni. [

1 MATESALONIKA 5:18

hali yotsi mutsokao namushukuriye, mana hanyuju yao ɗe mav̄endzeleo ya Mungu hari mwa uv̄umoja na Kristi-Insa.

MAKOLOSIYA 3:17

Yotsi mufanyao, neka ha marongozi au shitrendro, namuifanye ha lidzina la Raɓi Insa, na ha ndzia yahe, mumushukuriye Mungu amma Ɓaɓa.

MAKOLOSIYA 3:15

Utrulivu wa Kristi ulio amba muhiriwa mukanewo ile mufanyihe mwili moja, nautawale rohoni hanyu. Namuke wendza himida.

MAEFESO 5:20

Daima namuhimidiye Mungu amma Ɓaɓa ha piya, ha lidzina la Raɓi watru Insa-Kristi.

2 MAKORINTIYO 2:14

Himida naimuendreleye Mungu ariv̄ingao daima hari mwa umusadjadja wa yamasherehi ya ushindrifu wahe, ha uv̄umoja watru na Kristi; na tsena, ha wasi, asuenedza kula v̄ahali iharufu ndzuzuri ya umujulihwano wahe.

1 MAKORINTIYO 14:18

Nisumushukuria Mungu iv̄o nilaguao luha nashukidziwazo rahana wanyu piyanyu.

1 MAKORINTIYO 1:4

Ha daima nisumuhimidia Mungu ha siɓaɓu ya wanyu na ineema amudjaãlianiyo ha uv̄umoja wanyu na Kristi-Insa.

FILIMUNA 1:4

Nisumushukuria Mungu wangu kula sa namohunahana hari mwa mamilio yangu,

1 TIMUTAUSU 1:12

Nisumuhimidia Kristi-Insa Raɓi watru, uwo anihodarisha iv̄o aniona muaminifu ha unidjukumisa hari mwa urumishi,

MAV̄INGIZI-RISALA 10:48

Amwesa aãmurisha waɓaĩshiwe ha lidzina la Raɓi Insa-Kristi. Ɓas, wamumia aɓaki tsena wana suku na wao.

1 MAKORINTIYO 1:15

Ha izo, kav̄u ata moja hari mwanyu ashindrao arongowe amba muɓaĩshiwa ha lidzina langu.