1 MAKORINTIYO 1:13 - Ha`bari Ndjema ya I Maore

¹³ Hali Kristi aanisiwa? Hali Ɓaulusu aka aremwa mizumari hari mwa muri wa pawa ha siɓaɓu ya wanyu? Au muɓaĩshiwa|uɓaĩsha ha lidzina la Ɓaulusu?

1 MAKORINTIYO 1:13 Referans Kwoze

MAEFESO 4:5

Raɓi waye moja, uaminifu uwo moja, muɓaĩsho moja,

2 MAKORINTIYO 11:4

Mana neka v̄uja mutru asumujudzani Insa wangina ɓadi tsi ɗe ule ramujudza, au neka musupara roho yangina ɓadi tsi ɗe ile mwaipara, au tsena Haɓari Ndjema yangina na ile mwaikuɓali, wanyu uistahamili ha uzuri.

MAV̄INGIZI-RISALA 2:38

Monye awadjiɓu: «Namwendre toɓa, amwesa kula mutru hari mwanyu naɓaĩshiwe ha lidzina la Insa-Kristi, ile mupare muswamaha wa yamadhambi yanyu; v̄av̄o mutsodjaãliwa ineema ya iRoho Ndzitwaharifu.

1 MAKORINTIYO 10:2

Waɓaĩshiwa|uɓaĩsha piyawo ha uv̄umoja na Musa moni na livingu na moni na iɓahari.

MAV̄INGIZI-RISALA 19:5

Ɓaanda wakia marongozi yale, waɓaĩshiwa ha lidzina la Raɓi Insa|Raɓi.

MAV̄INGIZI-RISALA 10:48

Amwesa aãmurisha waɓaĩshiwe ha lidzina la Raɓi Insa-Kristi. Ɓas, wamumia aɓaki tsena wana suku na wao.

MAGALATWIYA 1:7

Tsi amba v̄wa Haɓari Ndjema yangina, ɓadi v̄wa wamuɓaɓanisaoni, watsahao wagaudze iIndjili ya Kristi.

MATIYO 28:19

Ɓas namwendre ha piya zinishani, muwafanye maswihaɓa, muwaɓaĩshe ha lidzina la Ɓaɓa, la uMwana, na la iRoho Ndzitwaharifu,

TITUSA 2:14

Adziv̄a waye monyewe ha tanafu yatru, ile arikombowe na piya uovu na utwaharisha ha waye monyewe umati ulio wahe, wendza djitihadi ya zitrendro ndjema.

1 MAKORINTIYO 1:15

Ha izo, kav̄u ata moja hari mwanyu ashindrao arongowe amba muɓaĩshiwa ha lidzina langu.

MAROMU 14:9

Mana neka amba Kristi afu, tsena aregezewa hayi, ɗe iv̄o ake Raɓi wa wao wafa, na wa wao walio hayi.

MAV̄INGIZI-RISALA 8:16

mana raha kayaka yashukia ata moja hari mwawo; waka waɓaĩshiwa ha lidzina la Raɓi Insa|Raɓi tu ɓas.

MATIYO 3:6

Wakov̄enua madhambi yawo, na waye akowaɓaĩsha|uɓaĩsha moni na umuro wa Jurdani.