ZEKHARIA 9:2 - Sumi Naga CL (Re-edited) Bible (BSI)

² Israel sasü kughuthu akeu Hamath, eno Tyre ngo Sidon no ighono alokütsü kemu tipaqo shou ghi jupuku ani.

BAIBEL (BSI)

² Hadrak sasu kulughi akeu Hamat ghi pawuke eno Tur ngo Sidon phughiqo eno panoqono shithi aghikeu jeli kumtsu pawuke.

ZEKHARIA 9:2 Referans Kwoze

EZEKEL 28:12

“Timi nu, Tyre kükau shou akumlo le phelo, eno pa vilo pilo, Ampeu Alhou no ishi piani: “No ye kupukulu jedapu nguthi, alokütsü no chhitoi eno jukivi no kupukülai ke.

JEREMIYA 49:23

Damascus ghenguno: “Hamath ngo Arpad ye avesavae, kughengu panongu ye asütsa lhoksa chiluvae; akümsa no kütakihivae, azüghi no qümüi mla ketoi auvae.

Obadiah 1:20

Haküghütsüve kemi Israelmi aqokitikhi no Canaanmi yeghi Zarephath kutolo qhasü luve nani, eno Jerusalemmi haküghütsüve kemi Sepharad lo akeqo no Negeb phughiqo qhasü luve nani.

AMUS 6:14

“Kughengu julo, O Israelmi, nongu mjochileni keu shiye I no saputhuni,” ipi Ampeu aqokitikhi Lhou no pi; “eno panongu no Lebo-hamath lono Arabah ghokiti kutolo nongu qhasü luve nani.”

KUKAMI AKINIU 25:21

Babylon kükau no Hamath yeghi lo Riblah lono panongu pithive. Hitoi shi Judah ye pa yeghi lono hakiphi sawuve.

KUKAMI AKINIU 23:33

Pharaoh Neco no pa küghape Hamath yeghi lo Riblah lo qhive, tishikeu lono pa ye Jerusalem lo ayepu mlave, eno ampe lo ghükayi ahu 3,400 eno ameshoyi ahu 34 ishi sükusho zame tsüuve.

KUKAMI ATUGHIU 17:9

“Ithu no Sidon lo Zarephath lo wulo eno tilau ngo aghilo. I no achimeu lakhi vilo o loji lopi azah tsüvae.”

AKIKIHI 13:21

Ikehu panoqo no ahuu iqhove no Zin sayeqha lono Lebo-hamath phivilo Rehob kutolo puju.

JEREMIYA 25:22

Tyre ngo Sidon kükami kümtsü, azüghimkü lo kükamiqo;

JEREMIYA 47:4

kughengu Philistiami kümtsü kütsaveni keu tsala cheni, Tyre ngo Sidon lono akukuphu kümtsü lakhave nani. Kughengu Ampeu no Philistiami kütsaleve nani, panongu ye Caphtor züghimkü lo ghükulumi ke.

EZEKEL 47:16

Berothah, Sibraim (Damascus eno Hamath lughi dolo akeu) lono Hazer-hitticon, khikhi Hauran lughi lo ani keno tipau kutolo.

EZEKEL 27:1

Ampeu tsa I lau ighi:

EZEKEL 28:1

Ampeu tsa I lau ighi:

AMUS 1:3

Ampeu no ishi piani: “Damascus xine küthü ghenguno, eno bidi ghenguno, Ni ye aghime süchilemo nani; kughengu panongu no chisheda keu yikhumu pesü Gilead chisheqhi ke.