ZEKHARIA 8:8 - Sumi Naga CL (Re-edited) Bible (BSI)

⁸ eno Jerusalem lo xü penike I no panongu saghi nani. Panongu no Iw timi shive nani eno pükhükulu ngo achipiu mikucho lono I no panongu Lhou shi nani.”

BAIBEL (BSI)

⁸ Jerusalem lo kughuna penike panoqoye ino saghi nani eno panonguye iwu timi shive nani eno ino panoqo Lhou shive nani, pichebekulu shi eno amikucho lono panoqo shou ayehpekeu shi nani.

ZEKHARIA 8:8 Referans Kwoze

EZEKEL 36:28

Nongu ye I no nongu puasüqo tsükeu yeghi lo küghünalu nani, eno nongu no Iw timi shi, eno I no nongu Lhou shinani.

EZEKEL 11:20

tishikeu lono panongu no I kükütsü lo cheche nani eno Iw pimheye papelu no tipaqo gholu nani. Eno panongu ye Iw timi shive nani eno I no pano Lhou shive nani.

Piyeküsü 21:3

Kükalakhü lono asütsa kuloghi lakhi no pikeu I no chilu, “Julo, Alhou no achekeu Phiki huye timi gholo auvae. Pa no panongu sasü xü nani eno panongu no Paw timi shi nani, eno Alhou ampi no panongu Lhou shi pano gholo xünani.

JEREMIYA 31:33

Tithiu I no itehi Israel kibo sasü puloshoqhi shini keu ye hike, Ampeu no sheshu: I no I yezah panongu lolo sütsüni, panongu mlo lo yesü tsüni. I no panongu Lhou shinani eno panongu no Iw timi shinani.

JEREMIYA 4:2

eno kuchou, kuchou xakütha, ngo achipiu mikucho lono nono, ‘Ampeu xü ani,’ ipi tushoqhi aye Pa no shiyeqo kümghatsü nani, eno Pa gholono panongu jekipi shinani.”

Piyeküsü 21:7

Khuu no theqhi luni keno hipau mheghi ithulu nani, eno I no pa Lhou shino pa no I nu shinani.

ZEKHARIA 13:9

I no hi aküthüu pesü ami lo süno ghükayi thakimthe ketoi shinani eno ameshoyi peju ketoi shinani. Panongu no I je ku nani, eno I no khochile nani. I no ishi pi nani, ‘Panoqo ye Iw timie’; panoqo no pi nani, ‘Ampeu ye I Lhoue.’”

EZEKEL 37:27

I kungo-a ye panoqo gholo anani, I no pano Lhou shinani, eno panongu no Iw timi shinani.

EZEKEL 37:25

I no I qeu Jacob tsükeu yeghi, khile nongu puasüqo no xüche keno nongu no tile küghüna nani. Panongu eno pano tianuli ngo atilimi no tilehi alholo küghüna acheuve nani, eno I qeu David no alholo panow kükapuu shive nani.

ACHINE 26:12

I no nongu gholo anani eno nongu Lhou shinani, nongu no Iw timi shinani.

ZEKHARIA 2:11

Tipa tsalani shiye kutomo no Ampeu gholo küqhave nani, eno Iw timi shive nani. I no nongu gholo xü nani, eno aqokitikhi Mpeu no nongu lau I puwu kepi nongu no ithi nani.

JOYIL 3:20

Ikemu Judah ngo Jerusalem ye alholo tiqheli kümtsü lo küghüna acheuve nani.

JEREMIYA 30:22

“Nongu no Iw timi shinani eno I no nongu Lhou shinani.”

ZEKHARIA 10:10

I no Egypt yeghi lono panoqo sasü aki lo ighi nani, Assyria lono panoqo hekütsü no Gilead ngo Lebanon yeghi lo a-a kühave moke kutolo panongu sawo qhinani.

JEREMIYA 32:41

I no pano ghenguno akivi shitsü keu lo alovi nani, I mlo eno I ngulho kuchopu süno panongu pesü ayeghi hipau lo pükhükulu shi shosü nani.

JEREMIYA 31:1

“Ampeu no sheshu, tipa ghuloki lo I no Israel lagha kümtsü Lhou shive nani, eno panongu no Iw timi shive nani.”

JEREMIYA 23:8

ikemu ishi pi nani, ‘Ampeu xüani ke Pa no haküghütsü puwuve keu ghakhu eno ahuu ghakhu lono Israel kibolomi saipeghi.’ Tishino panongu ye pano yeghi lo xüsülu nani.”

JEREMIYA 11:4

ti ye I no Egypt yeghi lo ayi kiyiqibo lono no puasüqo saipeghi kelono azah tsükeu ke. I no pi, I sütsa inilo, eno I no azah tsükeu kümtsü shilo. Tishiaye nongu ye Iw timi shinani, eno I no nongu Lhou shinani,

JEREMIYA 24:7

I no panoqo pelo Ni ye Ampeu kepi ithi kepu mlo panongu tsünani, tishino panongu no Iw timi shi eno I no panongu Lhou shi nani, kughengu panongu ye amlo kuchopu no I lau xaide ighi nanie.

EZEKEL 36:33

“Ampeu Alhou no ishi piani: Nongu kipimi kümtsü I no shikimthe tsüke tsalani, I no mishighünaqo lo küghüna lupe nani, eno kütsave keu shiqhekithe lupe nani.

ZEKHARIA 10:6

“I no Judah lagha shikumto nani eno I no Joseph lagha xalu nani. I no panoqo kimiyeqhiyi kehu panoqo saideghi nani, eno panongu ye I no mili püaghimo ketoi nani, kughengu Ni ye Ampeu pano Lhou eno I no panongu khochile nani.

BOTHUBO 17:8

No eno o thiu o tikughukomi lau nono kachena shi akeu yeghi, Canaan yeghi kümtsü I no shekhaha mheghi shi tsüve nani, eno I no panoqo Lhou shi nani.”

HOSIYA 11:11

panoqo no khokhoshi Egypt lono aghau toi ighi nani, eno miqhedu toi Assyria yeghi lono ighi nani, I no aki lo panoqo puwove nani, Ampeu no asheshu.